وسكەمەندە بەس كۇندە جول ەرەجەسىن بۇزعان 26 موتوسيكل جۇرگىزۋشىسى جاۋاپقا تارتىلدى

قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 25 -ءساۋىر مەن 1-مامىر ارالىعىندا «موتوسيكل» جەدەل الدىن الۋ شاراسىن جۇرگىزدى. مۇنداعى ماقسات - موتوسيكلدىڭ قاتىسۋىمەن بولاتىن جول اپاتىنىڭ الدىن الۋ.

5 كۇن بويى پاترۋلدىك پوليتسيا باتالونىنىڭ ينسپەكتورلارى كوشەدەگى موتوسيكلدەر مەن موپەدتەردى توقتاتىپ، تەكسەردى. جول قوزعالىسى ەرەجەسىن بۇزعانى ءۇشىن 26 موتوسيكل جۇرگىزۋشىسى اكىمشىلىك جاۋاپكەرشىلىككە تارتىلدى. سونداي-اق مامانداندىرىلعان تۇراققا 1 موتوسيكل جەتكىزىلدى.

«پوليتسيا قىزمەتكەرلەرى شارا بارىسىندا موتوسيكل تىزگىنىنە وتىرعان كامەلەتكە تولماعان بالانى انىقتادى. ونىمەن پروفيلاكتيكالىق اڭگىمە جۇرگىزىلىپ، اتا-اناسىنا ايىپپۇل سالىندى»، - دەيدى باسقارما باستىعى اندرەي مۋلا.

اۆتور تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى