شىعىس قازاقستاندا 26 جاستاعى جىگىتتەن گاشيشتىڭ ءىرى پارتياسى تاركىلەندى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ شارالارى بارىسىندا گلۋبوكوە اۋدانىنىڭ 26 جاستاعى تۇرعىنىن ۇستادى.

«كۇدىكتىنىڭ «Nissan» ماركالى اۆتوكولىگىنەن جاسىل ءتۇستى ۇنتاق ءتارىزدى زات سالىنعان 24 پوليمەر تۇيىنشەك تابىلدى. سونداي-اق ونىڭ ءۇيى مەن مونشاسىن ءتىنتۋ كەزىندە يزولەنتامەن ورالعان وسىنداي 59 تۇيىنشەك تاركىلەندى.

ساراپتاما قورىتىندىسىنا سايكەس، بۇل «گاشيش» ەسىرتكىسى. 100 دوزانىڭ جالپى سالماعى 408,2 گرام. ونىڭ «قارا نارىقتاعى» باعاسى - 664 مىڭ تەڭگە»، - دەدى باسقارما باستىعى ناريمان كۇلدىكوۆ.

بەلگىلى بولعانداي، ەر ادام ەشقانداي دەلدالسىز، جالعىز جۇمىس ىستەگەن. Telegram مەسسەندجەرى ارقىلى تاپسىرىس قابىلداپ وتىردى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى.

اتالعان فاكتى بويىنشا قىلمىستىق كودەكستىڭ 297-بابى 3-بولىگى 3-تارماعىنا سايكەس سوتقا دەيىنگى تەرگەۋ امالدارى باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى