قازگيدرومەت: تامىزدىڭ 26-كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، تامىزدىڭ 26-كۇنى قازاقستان اۋماعىنىڭ باسىم بولىگىندە كۇن جاۋىن- شاشىنسىز بولادى. تەك اتموسفەرالىق فرونتالدى بولىكتەردىڭ وتۋىمەن وڭتۇستىك- شىعىستا، وڭتۇستىكتە تاۋلى اۋدانداردا جانە سولتۇستىك- باتىستا نايزاعاي ويناپ جاڭبىر جاۋادى.
رەسپۋبليكا بويىنشا جەل كۇشەيپ، وڭتۇستىك- شىعىستا تاۋلى اۋدانداردا بۇرشاق جاۋادى. جامبىل، تۇركىستان وبلىستارىنىڭ تاۋلى اۋداندارىندا كۇندىز جانە قوستاناي وبلىسىنىڭ باتىسىندا نايزاعاي وينايدى. نايزاعاي كەزىندە جەل 15-20 م/س جىلدامدىقپەن سوعادى.
كۇندىز جامبىل وبلىسىنىڭ تاۋلى اۋداندارىندا بۇرشاق جاۋادى. الماتى وبلىسىنىڭ تاۋلى اۋدانداورىندا كۇندىز نايزاعاي وينايدى. قىزىلوردا وبلىسىنىڭ باتىسىندا كۇندىز جەل 15-20 م/س جىلدامدىقپەن سوعادى.
كۇندىز اتىراۋ، باتىس قازاقستان، اقتوبە، قوستاناي وبلىستارىنىڭ باسىم بولىگىندە، ماڭعىستاۋ وبلىسىنىڭ وڭتۇستىگىندە اپتاپ ىستىق بولادى.
ماڭعىستاۋ، باتىس قازاقستان، اتىراۋ، اقتوبە، قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، قوستاناي، شىعىس قازاقستان وبلىستارىنىڭ وڭتۇستىگىندە، قاراعاندى وبلىسىنىڭ باتىسىندا، اقمولا وبلىسىنىڭ وڭتۇستىگىندە، سولتۇستىك- باتىسىندا توتەنشە ءورت قاۋپى ساقتالادى.
