جەل، جاڭبىر، نايزاعاي: 26-ساۋىرگە ارنالعان اۋا رايى بولجامى

قازاقستان اۋماعىنىڭ باتىس بولىگى انتيتسيكلوننىڭ ىقپالىندا بولادى. وسىعان بايلانىستى جاۋىن- شاشىن جاۋمايدى. رەسپۋبليكانىڭ سولتۇستىك بولىگىندە اتموسفەرالىق فرونتتاردىڭ اسەرىنەن تۇراقسىز اۋا رايى ساقتالادى. كەي جەرلەردە جاڭبىر جاۋادى، نايزاعاي جارقىلدايدى. رەسپۋبليكا بويىنشا كەي جەرلەردە تۇمان تۇسەدى، جەل كۇشەيىپ، سولتۇستىك- باتىستا قاتتى داۋىل سوعادى.

اقمولا، قىزىلوردا، باتىس قازاقستان، پاۆلودار وبلىستارىنىڭ كەي جەرلەرىندە كۇندىز جەل ەكپىنى 15-20 م/س دەيىن كۇشەيەدى.

باتىس قازاقستان، كۇندىز پاۆلودار وبلىسىنىڭ كەي جەرلەرىندە نايزاعاي وينايدى. ماڭعىستاۋ، اقتوبە، قاراعاندى وبلىستارىنىڭ كەي جەرلەرىندە تۇمان بولادى، كۇندىز اقتوبە وبلىسىندا جەل قارقىنى 15-20 م/س جەتەدى.

اتىراۋ وبلىسىنىڭ كەي جەرلەرىندە تۇمان تۇسەدى، جەل جىلدامدىعى - 15-20 م/س. الماتى وبلىسىنىڭ الاكول اۋماعىندا 15-20 م/س جىلدامدىقپەن كۇشتى جەل سوعادى.

قوستاناي وبلىسىنىڭ كەي جەرلەرىندە نايزاعاي ويناپ، قاتتى داۋىل تۇرادى. جەل ەكپىنى - 15-20 م/س. كۇندىز سولتۇستىك قازاقستان وبلىسىندا جەل قارقىنى 23-28 م/س جەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى