لوزانناداعى وليمپيادادا ەل نامىسىن 26 سپورتشى قورعايدى

ق ر ۇلتتىق وليمپيادا كوميتەتى حابارلاعانداي، وسىمەن ءۇشىنشى مارتە الاۋى تۇتاناتىن ءتورت جىلدا ءبىر كەلەتىن دۇنيەجۇزىلىك دوداعا قازاقستان 26 جولداما جەڭىپ العان.

لوزانناداعى جاس وسپىرىمدەر وليمپياداسىندا جالپى الەمنىڭ 70 مەملەكەتىنەن 15-18 جاس ارالىعىنداعى 1880 سپورتشى سپورتتىڭ 16 تۇرىنەن باق سىنايدى.

اتاپ ايتار بولساق، جاس سپورتشىلار شاڭعى جارىسى، سنوۋبورد، فريستايل، شاڭعى قوسسايىسى، تاۋ شاڭعىسى، شاڭعىمەن تۇعىردان سەكىرۋ، الپينيزم، بياتلون، شايبالى حوككەي، شانامەن سىرعاناۋ، بوبسلەي، سكەلەتون، مانەرلەپ سىرعاناۋ، شورت-ترەك، كونكيمەن جۇگىرۋ جانە كەرلينگتەن سىنعا تۇسەدى.

ەستەرىڭىزگە سالا كەتەيىك، قازاقستاندىق سپورتشىلار 2012-جىلعى ينسبۋركتەگى وليمپياداعا 37 سپورتشى اپارسا، 2016-جىلى ليللەحامەردە وتكەن قىسقى ويىنداردا 20 اتلەت باق سىنادى. مىنە، 2020-جىلى وتەتىن دودادا 26 سپورتشىعا ءۇمىت ارتىپ وتىر.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى