جامبىل وبلىسىندا 269 بۇلىكشى ۇستالدى
وبلىس ورتالىعى تاراز قالاسىندا تەررورلىق شابۋىلعا توسقاۋىل قويىلىپ، ون شاقتى قارۋلى قىلمىسكەردىڭ كوزى جويىلىپ، 269 بۇلىكشى ۇستالدى. 20 قىلمىستىق ءىس قوزعالدى. 104 اكىمشىلىك ءىس قوزعالدى. جالپى، 15 ادام قازا تاپتى. ونىڭ 2 سى قۇقىق قورعاۋ ورگاندارىنىڭ قىزمەتكەرلەرى. اكىمدىكتى ورتەگەن بەلسەندى 4 ادام ۇستالىپ، 2 كالاشنيكوۆ اۆتوماتى تاركىلەندى. قارۋلانعان توپقا قارسى پوليتسيا، ۇ ق ك دەپارتامەنتتەرى مەن «وڭتۇستىك» اسكەري قولباسشىلىعىنىڭ 2000-نان استام قىزمەتكەرى، 100-دەن استام ارنايى تەحنيكاسى جۇمىلدىرىلدى. 7 پوليتسەي جاراقات السا، ونىڭ ىشىندە ەكەۋىنە وق تيگەن. 100 دەن استام قىزمەتتىك كولىك زارداپ شەكتى. 283 ادام دارىگەرلەر كومەگىنە جۇگىنگەن، ونىڭ 42 سى اۋرۋحانادا جاتىر. تەمىرجول ۆوكزالىندا 23.00-دەن كەيىن پويىزدان تۇسەتىن جولاۋشىلاردى ارنايى كەزەكشى اۆتوبۋستار تاسىمالدايدى. قىلمىسكەرلەردى ۇستاۋ، جەدەل ىزدەستىرۋ شارالارى جالعاسۋدا. وبلىس بويىنشا 29 بلوك- بەكەت جۇمىس ىستەۋدە، ونىڭ ىشىندە تاراز قالاسىنىڭ كىرىس- شىعىس قاقپالارىنا 10 بلوك-بەكەت قويىلعان. بارلىق كولىكتەر تەكسەرىلۋدە.
بۇگىنگى تاڭدا ولارعا 4 رەت شابۋىل جاسالعان. بلوك- بەكەتتەردە شەتەل، باسقا وڭىرلەردەن كەلگەن كولىكتەرى انىقتالۋدا. بۇلىكشىلەر وبلىس اكىمدىگىنىڭ، «Nur Otan» پارتياسى فيليالىنىڭ جانە پوليتسيا دەپارتامەنتىنىڭ عيماراتتارىن ورتەگەن. زاقىم كەلگەن نىسانداردى قالپىنا كەلتىرۋ جۇمىستارى باستالدى. زارداپ شەككەن الەۋمەتتىك نىساندار جوق. وڭىردە قوعامدىق تىنىشتىقتى ساقتاۋ بويىنشا جەرگىلىكتى بيلىك پەن ەرىكتى حالىقتىڭ، قوعام بەلسەندىلەرىنىڭ بىرلەسكەن جۇمىسى جالعاسۋدا.
ت ج بەكەتى، اۋەجاي، اسكەري قويمالار، «ءامىر جانە د» اسكەريلەردىڭ قورعاۋىندا. سونداي-اق، ماڭىزدى ستراتەگيالىق نىسان بولىپ تابىلاتىن قورداي اۋدانى وتار اسكەري قالاشىعىنداعى بيولوگيالىق قاۋىپسىزدىك پروبلەمالارى ع ز ي اسكەريلەرمەن قورعالۋدا. كوممۋنالدىق قىزمەتتەر تۇراقتى جۇمىس ىستەپ جاتىر.
