جىل باسىنان بەرى اسكەري سوت 264 اسكەري قىزمەتشىنى قىلمىستىق جازاعا تارتقان
بۇل تۋرالى اسكەري سوتتىڭ باسپا ءسوز قىزمەتىنەن حابارلادى.
2015-جىلدىڭ توعىز ايىندا ەل بويىنشا گارنيزوندار مەن قىلمىستىق ىستەر جونىندەگى مامانداندىرىلعان اۋدانارالىق اسكەري سوتتار 235 ءىستى قاراعان. سونىڭ ىشىندە 199 قىلمىستىق ءىس بويىنشا سوتتاۋ تۋرالى ۇكىم شىعارىلعان.
وسى ۋاقىت ىشىندە 264 ادام سوتتالعان.
«قارالعان قىلمىستىق ىستەردىڭ كوبى اسكەري قىلمىسقا، ياعني، اسكەرلەردىڭ اراسىندا جارعى شارتتارىن بۇزۋ، اسكەريلەردىڭ ءبىر-بىرىنە وكتەمدىك كورسەتۋ فاكتىلەرىنە قاتىستى بولعان. گارنيزونداردىڭ اسكەري سوتتار قىلمىستىق جانە ازاماتتىق ىستەردىڭ جارتىسىنان كوبىن كوشپەلى وتىرىستاردا قارادى»، - دەپ حابارلادى اسكەري سوتتىڭ باسپا ءسوز قىزمەتىنەن.
سونداي-اق 2 ءىس بويىنشا اپەللياتسيا قابىلدانىپ، ۇكىم وزگەرتىلگەن. توعىز ادام تارتىلعان 8 ءىس بويىنشا جازا جەڭىلدەتىلگەن.
اۆتور: كەنجەكەي توقتامۇرات قىزى
