26-قاراشا. جىلناما

اتاۋلى كۇندەر

دۇنيەجۇزىلىك اقپارات كۇنى

قىزمەتى اقپاراتتىق تەحنولوگيالار مەن كومپيۋتەرگە نەگىزدەلگەن كاسىپ يەلەرىنىڭ مەرەكەسى. 1988 - جىلى نەگىزى قالانعان حالىقارالىق اقپاراتتاندىرۋ اكادەمياسىنىڭ (ح ا ا) باستاماسىمەن اتالىپ وتەدى. ح ا ا – ب ۇ ۇ ەكونوميكالىق جانە الەۋمەتتىك كەڭەسىندە باس كونسۋلتاتيۆتىك مارتەبەسى بار الەمدەگى جالعىز اكادەميا. الەمنىڭ 140تان استام ەلىندە تىركەلگەن، بىرنەشە ءىرى قالالاردا شتاب- پاتەرى ورنالاسقان. اقپاراتتىق قىزمەت سالاسىنا بايلانىستى ىرگەلى جانە قولدانبالى زەرتتەۋلەر جاساۋمەن اينالىسادى.

حالىقارالىق ەتىكشىلەر كۇنى

ديزاينمەن، اياق كيىم دايىنداۋمەن، تىگۋمەن اينالىساتىن شەبەرلەر مەن قولونەرشىلەردىڭ، سونداي- اق وسى وندىرىستە جۇمىس ىستەيتىن، اياق كيىم جوندەيتىن مامانداردىڭ كاسىبي مەرەكەسى.

ەستە قالار وقيعالار

1924 - جىلى تۇركىستان رەسپۋبليكاسى ورتالىق پارتيا كوميتەتىنىڭ ورگانى رەتىندە «اق جول» اتاۋىمەن جاڭا گازەت جارىق كوردى. العاشقى كەزدە گازەت وبلىسقا جانە سىرداريا، جەتىسۋ گۋبەرنيالارىنا، قاراقالپاقستانعا تارادى. 1925 - جىلى رەسپۋبليكا استاناسى قىزىلوردا قالاسىنا كوشىرىلگەندە گازەت سول قالادا شىعا باستاعان «ەڭبەكشى قازاق» گازەتىمەن بىرىكتىرىلدى. ال 1929 - جىلى رەسپۋبليكا استاناسى الماتى بولعان سوڭ، سىرداريا ايماقتىق پارتيا كوميتەتى مەن اتقارۋ كوميتەتىنىڭ ورگانى رەتىندە «لەنين جولى» اتاۋىمەن شىعا باستادى. 1932 - جىلدىڭ كوكتەمىندە رەسپۋبليكانىڭ اۋماقتىق قۇرىلىمدارى قايتا قارالىپ، وبلىستار قۇرىلعان كەزەڭدە گازەت قازىرگى «وڭتۇستىك قازاقستان» اتاۋىنا يە بولدى. گازەتتىڭ نەگىزىن قالاعان ت. رىسقۇلوۆ، سۇلتانبەك قوجانوۆ، و. جاندوسوۆ، و. يسايەۆتار قاتىستى. م. اۋەزوۆ، ع. مۇسىرەپوۆ، اسقار توقماعامبەتوۆ، باۋىرجان مومىش ۇلىنىڭ تۋىندىلارى جاريالانىپ تۇردى. گازەتتىڭ تاريحىندا رەسمي شىققان داتاسى دەپ 1924 -جىلدىڭ 26- قاراشاسى كورسەتىلگەن. زەرتتەۋشىلەر ودان بۇرىن دا شىققان دەگەندى العا تارتادى.

1993 - جىلى وڭتۇستىك قازاقستان وبلىسىنىڭ تولە بي اۋدانىندا تولە ءبيدىڭ ەسكەرتكىشى اشىلدى.

1997 - جىلى الماتىداعى كوشەلەردىڭ بىرىنە مەملەكەت قايراتكەرى، فيلولوگيا عىلىمدارىنىڭ دوكتورى، پروفەسسور، اۋدارماشى، عالىم ءمۇسىلىم بازاربايەۆتىڭ ەسىمى بەرىلدى. ونىڭ عىلىمي ەڭبەكتەرى قازاق ادەبيەتىنىڭ كوركەمدىك ەرەكشەلىكتەرىنە، ادەبيەتتانۋ ماسەلەلەرىنە ارنالعان. شاكارىم قۇدايبەردى ۇلىنىڭ شىعارماشىلىعىن زەرتتەگەن. يۆان تۋرگەنيەۆتىڭ تۋىندىلارىن قازاق تىلىنە اۋدارعان. ەكى رەت ەڭبەك قىزىل تۋ جانە «پاراسات» وردەندەرىمەن ماراپاتتالعان.

2005 - جىلى « ۇلىتاۋ» توبىنىڭ «جۇمىر، قىلىش» دەپ اتالاتىن العاشقى جەكە البومىنىڭ تۇساۋكەسەرى ءوتتى. ماحامبەتتىڭ «جۇمىر، قىلىش» كۇيىنىڭ اتىمەن اتالعان جاڭا ديسكىگە « ۇلىتاۋ» توبىنىڭ ورىنداۋىنداعى 10 كومپوزيتسيالىق شىعارما توپتاستىرىلعان. ءۇنتاسپا ماسكەۋدەگى ۆلاديمير وسينسكييدىڭ ستۋدياسىندا جازىلىپ، ا ق ش- تىڭ لوس- اندجەلەس قالاسىنداعى «Paramaunt Records» ستۋدياسىندا وڭدەۋدەن وتكەن.

2013 - جىلى ق ر پرەزيدەنتىنىڭ جارلىعىمەن مادەنيەت جانە ونەر قىزمەتكەرلەرى كۇنى جانە ەڭبەك كۇنى بەلگىلەندى. «قازاقستان رەسپۋبليكاسىنداعى مەرەكەلەر تۋرالى» 2001 - جىلعى 13- جەلتوقسانداعى ق ر زاڭىنىڭ 4 - بابىنا سايكەس مادەنيەت جانە ونەر قىزمەتكەرلەرى كۇنى 21- مامىردا، ەڭبەك كۇنى - قىركۇيەكتىڭ سوڭعى جەكسەنبىسىندە اتالىپ وتەدى.

2017 - جىلى 21 جاستاعى جالعاس تايكەنوۆ ازيا پاراكانوە چەمپيوناتىندا قازاقستان تاريحىندا العاش رەت توپ جاردى. ازيانىڭ ون ەلىنەن 75 سپورتشى قاتىسقان تۋرنيردىڭ 200 مەترگە جارىسىنىڭ KL-3 كۆاليفيكاتسياسىندا جۇيرىك اتانعان وتانداسىمىز فينالدا يران وكىلىن ارتقا تاستاپ، چەمپيون بولدى.

2018 - جىلى «مەرەيتويلىق جانە اتاۋلى كۇندەر» سەرياسىمەن «قازاقستان رەسپۋبليكاسىنىڭ ب ۇۇ قاۋىپسىزدىك كەڭەسىنە مۇشەلىگى» پوشتالىق ماركاسى اينالىمعا شىقتى. پوشتالىق ماركا ءتورت بوياۋدان تۇراتىن وفسەتتىك باسپا رەتىندە شىعارىلعان. تارالىمى - 20000 دانا. باعاسى - 250 تەڭگە. 2017 -جىلدىڭ قاڭتارىندا قازاقستان 2017-2018  جىلدارعا بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى.

2019 - جىلى سەمەي قالاسىنىڭ تۇرعىنى بولات قابجانوۆ يسپانيانىڭ توريەۆەحا قالاسىندا العاش رەت وتكەن مۇمكىندىگى شەكتەۋلى جاندار اراسىنداعى شاحماتتان حالىقارالىق تۋرنيردە ءبىرىنشى ورىندى جەڭىپ الدى. حالىقارالىق تۋرنيرگە الەمنىڭ 8 ەلىنەن 20 دان استام سپورتشى قاتىستى. چەمپيونات شۆەيتساريا جۇيەسى بويىنشا ەكى ءتۇر بويىنشا ءوتتى. ولاردىڭ ەكەۋىندە دە قازاقستاندىق ءبىرىنشى ورىن الدى.

2021 - جىلى قۇرمانعازى اتىنداعى استراحان وبلىستىق مادەنيەت ورتالىعىندا قازاقتىڭ كورنەكتى كومپوزيتورى، دومبىراشى، قازاق ك س ر حالىق ءارتىسى دينا نۇرپەيىسوۆانىڭ 160 جىلدىعىنا ارنالعان «تۇركى الەمىنىڭ ۇلى كومپوزيتورى» كىتابىنىڭ تۇساۋكەسەرى ءوتتى. قازاق، ورىس، تۇرىك، اعىلشىن تىلدەرىندە جارىق كورگەن كىتاپتا كۇيشىلەر ومىرىنە قاتىستى بۇرىن- سوڭدى جاريالانباعان، بىرەگەي دەرەكتەر جيناقتالعان.

2022 - جىلى استاناداعى تاۋەلسىزدىك سارايىندا قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتى ۇلىقتاۋ ءراسىمى ءوتتى. قاسىم- جومارت توقايەۆ انت قابىلداعاننان كەيىن مەملەكەتتىك ءان ۇران ورىندالىپ، 21 ارتيللەريالىق وق اتىلىپ، اق وردا رەزيدەنتسياسىندا مەملەكەتتىك تۋ كوتەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى