ەلىمىزدە 26 - قاڭتاردان باستاپ 3 اۆتوجول اقىلى بولادى

اقىلى جۇيەگە اۋىسۋى رەسپۋبليكالىق ماڭىزى بار اۆتوجولداردىڭ ساپاسىن جاقسارتۋعا، اپات قاۋپىن ازايتۋعا، لوگيستيكالىق دالىزدەردى جەتىلدىرۋگە ىقپالىن تيگىزەدى.

 «2019 -جىلدىڭ 26 - قاڭتارىندا «استانا - تەمىرتاۋ» (134 شاقىرىم)، «الماتى - قاپشاعاي» (42 شاقىرىم)، «الماتى- قورعاس» (295 شاقىرىم) اۆتوجولدارىندا اقى الۋ جۇيەسى ىسكە قوسىلادى. كولىكتىك ينفراقۇرىلىمدى دامىتۋ ءجىو ارتتىرۋعا، اۆتوجولداردى جوندەۋ مەن كۇتىپ ۇستاۋعا مۇمكىندىك بەرەدى»، - دەپ حابارلاندى قازاۆتوجول سايتىندا.

اتاپ وتكەن ءجون، اقىلى جول بولىكتەرىنە جاقىن اۋدانداردىڭ تۇرعىندارى ءۇشىن ءتۇسىندىرۋ مەن حابارلاۋ جۇمىستارى جۇرگىزىلگەن. ءبىرقاتار قوعامدىق تىڭداۋلار، كوشپەلى تانىستىرىلىمدار ۇيىمداستىرىلىپ، تولەم ستاۆكالارى تۋرالى تۇرعىنداردىڭ ۇسىنىسى تىڭدالعان.

«اقىلى جول بولىكتەرىنە جاقىن اۋدانداردىڭ تۇرعىندارى ءۇشىن ءبىر جىلدىق ابونەمەنت باعاسى 1000 تەڭگە بولادى. ونى سول مەكەنجايدا تىركەلگەن اۆتوكولىك يەلەرى عانا الا الادى. ەگەر كولىك يەسى عانا بەلگىلەنگەن مەكەنجايدا تىركەلىپ، اۆتوكولىكتىڭ تىركەلۋ ورنى باسقا بولسا، تولەماقى جالپى ەرەجەلەرگە سايكەس الىنادى»، - دەلىنگەن رەسمي حابارلامادا.

جەڭىل كولىك يەلەرى استانا- تەمىرتاۋ جولىندا الدىن الا 200 تەڭگە نەمەسە قولما- قول 400 تەڭگە تولەپ وتە الادى. الماتى - قاپشاعاي جولىندا الدىن الا - 100 تەڭگە نەمەسە قولما- قول - 200 تەڭگە بەكىتىلگەن. الماتى- قورعاس جولىندا الدىن الا - 300 تەڭگە، قولما- قول 600 تەڭگە تولەۋ قاجەت.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى