اقتاۋلىق وقۋشى قىز 26 مينۋتتا 30 مىڭ ەسەپ شىعارىپ، رەكورد جاڭارتتى
ول 120 مەملەكەتتەن كەلگەن 150 قىزدىڭ اراسىنان ۇزدىك شىعىپ، جەڭىمپاز اتانعان دەپ حابارلايدى زامانا باسىلىمى.
17№ مەكتەپتىڭ 6- سىنىپ وقۋشىسى ورىنگۇل ارىستان سانكت-پەتەربۋرگ قالاسىندا مەنتالدىق اريفمەتيكادان وتكەن چەمپيوناتتا رەكورد جاڭارتقان.
«رەسەي مەملەكەتىندە وتكەن جارىسقا 150 قىز قاتىستىق. بارلىعىمىزعا ءبىر قارىنداش بەرىلدى. ىشىندە ەسەپتەر جازىلعان پاراق تاراتىلدى. سوسىن ۋاقىتتى قويىپ، قارىنداشتى ءبىر-بىرىمىزگە بەرىپ، كەزەكپەن شىعاردىق، كەيىن ۋاقىتتى توقتاتتى. وسىنشا كۇردەلى باسەكەدە جۇيرىك اتانعانىم ءالى كۇنگە دەيىن ءتۇس سەكىلدى. ءبىراق كوپ دايىندىق بولدى. ماعان سەنىپ، ءۇمىت ارتقان جانداردىڭ تىلەگى مەن ءبىلىمىم جەڭىسكە جەتەلەدى»، - دەيدى وقۋشى قىز.
ازيا رەكورد كىتابى جانە الەمدىك رەكورد كىتابى وكىلدەرىنىڭ شەشىمى بويىنشا، سانكت-پەتەربۋرگتە وتكەن جارىستا تاريحتا العاش رەت ۇزاق ماتەماتيكالىق ەسەپ شىعارىلعان ەكەن.
بۇل رەكورد World Book Records WBR كىتابىنا ەنگەن.
ورىنگۇل سونىمەن قاتار قازاق، ورىس، اعىلشىن تىلدەرىندە ەركىن سويلەيدى.
