ا ق ش-تا 26 جاستاعى ايەل 25 جىل بۇرىن ۇرىقتانعان قىزىن بوساندى - فوتو
تينانىڭ جاتىرىنا سالىنعان ەمبريون 1992 -جىلدىڭ 14 -قازانىنان بەرى ساقتالىپ كەلگەن. تينە گيبسون بۇعان دەيىن كۇيەۋىنىڭ بەدەۋلىگىنىڭ كەسىرىنەن بالالى بولماعان.
ول 25 -ناۋرىزدا سالماعى 2,94 ك گ قىز بالا دۇنيەگە اكەلدى.
تينا مەن بەندجامين قۇرساقتاعى نارەستەنىڭ ناقتى جاسىن دارىگەرلەردەن ەستىگەندە اڭ-تاڭ بولادى.
«ەگەر بۇل قىز ءوزىنىڭ ۋاقىتىندا تۋىلعاندا مەنىڭ قۇربىم بولا الار ەدى. سەبەبى، مەن ودان تەك ءبىر جىلعا ۇلكەنمىن. مەن تەك بالالى بولۋدى قالادىم. بۇل الەم رەكوردى ما، جوق پا، ماعان ءبارىبىر»، - دەيدى تينا باسىلىمعا بەرگەن سۇحباتىندا.
رەكورد جاڭارتقان نارەستەگە ەمما ەسىمى بەرىلدى. ەرلى-زايىپتىلار مۇنداي قادامعا ەر ادامنىڭ بەدەۋلىگىنەن بارۋعا ءماجبۇر بولعان.
ايتا كەتەيىك، 2010 -جىلى 20 جىل بۇرىن ۇرىقتانعان ۇل بالا دۇنيەگە كەلگەن بولاتىن. ەمما 25 جىل بۇرىن ۇرىقتانۋىنىڭ ارقاسىندا بۇل رەكوردتى جاڭارتىپ وتىر.
