مەملەكەتتىك قارىز جالپى ىشكى ونىمگە شاققاندا 25 پايىزدان تومەن دەڭگەيدە - ەرۇلان جاماۋبايەۆ
بۇل تۋرالى پارلامەنت پالاتالارىنىڭ بىرلەسكەن وتىرىسىندا ۇكىمەتتىڭ جانە جوعارى اۋديتورلىق پالاتانىڭ 2022-جىلعى رەسپۋبليكالىق بيۋجەتتىڭ اتقارىلۋى تۋرالى ەسەپتەرىن قاراستىرۋ كەزىندە پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.
«مەملەكەتتىك بورىشقا قاتىستى ايتاتىن بولساق، قازىرگى كەزدە بارلىق بەلگىلەنگەن كوۆەنانتتار ساقتالعان. مەملەكەتتىك قارىز جالپى ىشكى ونىمگە شاققاندا 25 پايىزدان تومەن دەڭگەيدە قالىپتاسقان. قارجىلىق شەكتەۋلەردى قاتاڭ ساقتاۋ ساياساتى كەلەشەكتە دە جالعاستىرىلاتىن بولادى. بۇل ماسەلە ۇكىمەتتىڭ تۇراقتى باقىلاۋىندا. ءبىز قابىلدانعان مىندەتتەمەلەردىڭ اشىقتىعى مەن ايقىندىعىن ارتتىرۋ بويىنشا جوعارى اۋديتورلىق پالاتانىڭ ۇسىنىمدارىن قولدايمىز. ولار جۇمىس بارىسىندا ەسكەرىلەتىن بولادى»، - دەدى قارجى ءمينيسترى.
بۇدان بۇرىن حابارلانعانداي، مينيستر بىلتىر مەملەكەت ءوزىنىڭ الەۋمەتتىك جانە باسقا دا مىندەتتەمەلەرىن تولىق كولەمدە ورىنداعانىن ايتتى.
