كاسپيدە ازەربايجان ازاماتتارىن ۇستاۋ كەزىندە قازاقستاندىق شەكاراشىلار 25 رەت اۋاعا وق اتقان
بۇل تۋرالى سىرتقى ىستەر مينيسترلىگى تاراتقان باسپا ءسوز- بايانىنان ءمالىم بولدى، دەپ حابارلايدى قازاقپارات.
قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى شەكارا قىزمەتىنىڭ (ق ر ۇ ق ك ش ق) اقپاراتى بويىنشا، 2020 -جىلعى 30- ساۋىردە قازاقستاندىق شەكاراشىلار بورتىندا ازەربايجاننىڭ 4 ازاماتى بار «بايدا» ۇلگىسىندەگى شاعىن كولەمدى كەمەسىن ۇستاعان. بۇل وقيعا تۇنگى ساعات 03:55-تە (نۇر- سۇلتان ۋاقىتى بويىنشا) ۇلىق (راكۋشەچنىي) مۇيىسىنەن وڭتۇستىككە قاراي 30 ميل قاشىقتىقتا بولعان. ۇستالعان كەمە ق ر اۋماقتىق سۋلارىنان تابىلدى.
شەكارانى بۇزۋشىلار شەكارا كاتەرى ەكيپاجىنىڭ حالىقارالىق تەڭىز زاڭناماسىنا سايكەس كەمەنى توقتاتۋ تۋرالى تالاپتارىنا قاراماستان ءتيىستى جاۋاپ قايتارماي، مەملەكەتتىك شەكارا كاتەرىنىڭ الدىندا سوقتىعىسۋعا قاۋىپ توندىرە وتىرىپ، ۇلكەن جىلدامدىقتا قاۋىپتى مانيەۆر جاساعان. شەكارا بۇزۋشىلاردى قازاقستاندىق ساربازدار 1 ساعات 40 مينۋت بويى قۋعان.
«ق ر مەملەكەتتىك شەكاراسى تۋرالى» ق ر زاڭىنىڭ تالاپتارىنا سايكەس كەمەنى ماجبۇرلەپ توقتاتۋ ءۇشىن شەكاراشىلار قارۋ قولدانعان. وسىلايشا، قارۋدان اۋاعا 25 ەسكەرتۋ رەتىندە وق اتىپ، 87 رەت ءجۇرۋ باعىتى بويىنشا جانە 185 رەت شەكارا بۇزۋشىلاردىڭ كەمە قوزعالتقىشتارىنا وق جاۋدىرعان. قارۋدى قولدانۋ سالدارىنان ءۇش قۇقىق بۇزۋشى جاراقات الدى. ۇستاۋ كەزىندە زارداپ شەككەندەرگە دەرەۋ العاشقى مەديتسينالىق كومەك كورسەتىلدى. قابىلدانعان شارالارعا قاراماستان، جاعاعا كەلگەن كەزدە جەدەل جاردەم دارىگەرلەرى ۇستالعان ادامداردىڭ ءبىرىنىڭ قايتىس بولعانىن انىقتادى. قازىرگى تاڭدا ق ر قۇزىرەتتى ورگاندارى ۇستالعاندارعا قاتىستى ق ر قىلمىستىق كودەكسىنىڭ 392-بابى 1-بولىگىنە سايكەس مەملەكەتتىك شەكارانى بۇزۋ فاكتىسى بويىنشا تەرگەۋ ءىس- شارالارىن جۇرگىزۋدە. ق ر ۇ ق ك شەكارا قىزمەتى حابارلاعانداي، ۇستالعان ءتورت براكونەردىڭ ۇشەۋى 2017 -جىلى وسى ىسپەتتەس ءتارتىپ بۇزعانى ءۇشىن ق ر زاڭناماسىنا سايكەس 6 ايعا باس بوستاندىعىنان ايىرىلعان.
قازاقستان تاراپى قازا تاپقان ازەربايجان ازاماتىنىڭ وتباسىنا كوڭىل ايتادى. بۇگىن تاڭەرتەڭ قازا تاپقان ادامنىڭ دەنەسى ازەربايجان تاراپىنا بەرىلدى. بۇل وقيعادان ازەربايجان تاراپى تولىق حاباردار. قازاقستان تاراپى ازەربايجان ازاماتتارىنىڭ ق ر مەملەكەتتىك شەكاراسىن بۇزۋ فاكتىلەرىنىڭ جيىلەنۋىنە الاڭداۋشىلىق بىلدىرەدى. 2017 -جىلدان باستاپ قازىرگى ۋاقىتقا دەيىن 41 ءار ازاماتى ۇستالدى، ونىڭ 33 ءى ق ر مەملەكەتتىك شەكاراسىن بۇزعانى ءۇشىن سوتتالدى.
