حالىقارالىق ەڭبەك ۇيىمى: الەمدە جۇمىسسىزدار سانى 25 ميلليونعا جەتۋى مۇمكىن
بۇل تۋرالى قازاقپارات ۇيىمنىڭ رەسمي سايتىنا سىلتەمە جاساپ حابارلايدى.
«COVID-19 جانە ەڭبەك سالاسى: سالدارى مەن قارسى شارالار» الدىن الا بايانداماسى قىزمەتكەرلەردىڭ جۇمىس ورنىنىڭ ساقتالۋىن قورعاۋ، ەكونوميكا جانە جۇمىسپەن قامتۋدى ىنتالاندىرۋ، سونداي-اق جۇمىس ورىندارى مەن تابىستاردى قولداۋ سەكىلدى ءۇش نەگىزگى باعىتتا شۇعىل، كەڭ اۋقىمدى جانە ۇيلەستىرىلگەن شارالارعا شاقىرادى.
بۇل شارالارعا الەۋمەتتىك قورعاۋدى كەڭەيتۋ، قىزمەتكەرلەردى الىپ قالۋدى قولداۋ (ياعني قىسقا مەرزىمدى جۇمىس، اقىلى ەڭبەك دەمالىسى، باسقا دا سۋبسيديالار) جانە ميكرو، شاعىن جانە ورتا كاسىپورىندار ءۇشىن قارجىلىق، سالىقتىق جەڭىلدىكتەر كىرەدى.
سونىمەن قاتار، باياندامادا بيۋدجەتتىك جانە اقشا- كرەديت ساياساتى، سونداي-اق ەكونوميكانىڭ جەكەلەگەن سالالارىن نەسيەلەۋ جانە قارجىلىق قولداۋ قاراستىرىلعان. ۆيرۋستىڭ ءورشۋىنىڭ ەكونوميكالىق اسەرى جۇمىس ۋاقىتى مەن جالاقىنىڭ قىسقارۋىنا اكەلەتىندىكتەن، جۇمىسسىزدار سانى وسەدى دەپ كۇتىلۋدە. جۇمىسپەن قامتۋدىڭ تومەندەۋى جۇمىسشىلار ءۇشىن ۇلكەن كىرىستىڭ جوعالۋىن بىلدىرەدى. مامانداردىڭ باعالاۋىنشا، 2020 -جىلدىڭ اياعىندا ولار 860 ميللياردتان 3,4 تريلليون دوللارعا جەتەدى. بۇل تاۋارلار مەن قىزمەتتەردى تۇتىنۋدىڭ تومەندەۋىنە اكەلەدى، ءوز كەزەگىندە بيزنەس پەن ەكونوميكانىڭ ءوسۋ پەرسپەكتيۆالارىنا دا اسەر ەتەدى.
