انكارادا وپپوزيتسيالىق پارتيا ۇمىتكەرى 25 جىلدان كەيىن جەڭىسكە جەتتى
وعان ەلدەگى 57 ميلليوننان استام تۇرعىن 194715 سايلاۋ ۋچاسكەسىندە داۋىس بەردى. سايلاۋعا 12 ساياسي پارتيا، سونداي- اق تاۋەلسىز ۇمىتكەرلەرى قاتىستى.
بۇل تۋرالى انكاراداعى ءتىلشىمىز مەرۋەرت قاناعات مەملەكەتتىك «انادولى» اگەنتتىگىنە سىلتەمە بەرىپ حابارلايدى. سوڭعى اقپارعا سايكەس، انكارا، يزمير، ادانا مەن انتاليا سەكىلدى ءىرى قالالارىندا اتاتۇرىك قۇرعان رەسپۋبليكاشىل حالىق پارتياسىنىڭ ۇمىتكەرلەرى جەڭىسكە جەتتى.
ال ەلدىڭ ەڭ ءىرى مەگاپوليسى ءارى ستراتەگيالىق ورتالىقتارىنىڭ ءبىرى ىستامبۇلدا ساناق جۇمىستارى ءالى اياقتالعان جوق. قازىرشە شاھاردىڭ 98,8 پروتسەنت سايلاۋ جاشىكتەرىنىڭ قورىتىندىلارى جاريالاندى.
جالپى، بەيرەسمي قورىتىندى بويىنشا، ادىلەت جانە دامۋ پارتياسى 40 پروۆينتسيانى قورجىنىنا سالسا، رەسپۋبليكاشىل حالىق پارتياسى - 20، ۇلتشىلدار قوزعالىسى پارتياسى - 12، جەرگىلىكتىڭ كۇرتتەردىڭ حالىقتاردىڭ دەموكراتيالىق پارتياسى 7 مۋنيتسيپاليتەتتە جەڭىسكە جەتتى.
ايتا كەتكەن ءجون، بۇل جولعى جەرگىلىكتى سايلاۋدا العاش رەت تۇركيا كوممۋنيستىك پارتياسىنىڭ ۇمىتكەرى جەڭىسكە جەتتى. ەندى ول 5 جىل بويىنشا پروۆينتسيا باسقاراتىن بولدى. سونداي- اق 25 جىل اراعا سالىپ ەل استاناسى انكارا وپپوزيتسيالىق پارتيانىڭ باسقارۋىنا ءوتتى.
www.24.kz
