اقتوبە وبلىسىنىڭ 25 اكىمىنە قىزمەتتىك كولىك بەرىلدى - فوتو
اقتوبە وبلىسى اكىمدىگىنىڭ الدىنا «نيۆا» ماركالى كولىكتەر ءتىزىلدى. بۇل كولىكتەردىڭ ءبارى اۋىل اكىمدەرىنە بەرىلدى. ءوڭىر باسشىسى بەردىبەك ساپاربايەۆ بۇل مەملەكەت باسشىسىنىڭ اۋىلدى دامىتۋ جونىندەگى تاپسىرماسىن ورىنداۋ ءۇشىن قابىلدانعان كوپتەگەن شارالاردىڭ ءبىرى ەكەنىن اتاپ ءوتتى.
«وبلىستاعى اۋىلدىق وكرۋگتەر ءبىر-بىرىنەن قاشىق ورنالاسقان. سوندىقتان اۋىل اكىمدەرىنە ارنالعان ماشينالارعا قاجەتتىلىك بولدى. ولار تاپسىرىلعان اۋماقتاعى ءتارتىپتى قاداعالاپ، بولعان وقيعالارعا شۇعىل ارەكەت ەتۋى ءتيىس. كولىكتەر جاڭاردى. ەندى سىزدەر حالىقپەن تىعىز بايلانىس ورناتاسىزدار دەپ ۇمىتتەنەمىن. ەڭ باستىسى، سىزدەر مەملەكەتتىك قىزمەتشىلەر ەكەندەرىڭىزدى ۇمىتپاڭىزدار، وتانىمىزدىڭ يگىلىگى ءۇشىن جۇمىس جاساڭىزدار»، - دەدى بەردىبەك ساپاربايەۆ.
ايتا كەتەيىك، وبلىستاعى 147 اۋىلدىق وكرۋگتىڭ 146 ى قىزمەتتىك كولىكپەن قامتاماسىز ەتىلدى. تەك تالدىساي اۋىلدىق وكرۋگىنىڭ اكىمدىگىندە قىزمەتتىك كولىك بولمادى. بۇگىن اۋىل اكىمى العاشقىلاردىڭ ءبىرى بولىپ قازاقستاندا قۇراستىرىلعان «نيۆا» ماركالى كولىكتىڭ كىلتىن الدى.
اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، وتكەن جىلدىڭ تامىز ايىندا قۇقىق قورعاۋ ورگاندارىنا 180 اۆتوكولىك بەرىلدى. وڭىردە پوليتسيا ينسپەكتورلارى 100 پايىز قىزمەتتىك اۆتوكولىكپەن قامتاماسىز ەتىلدى.
«ءبىز اۋىل دارىگەرلەرىن ماشينالارمەن قامتاماسىز ەتۋدى جوسپارلاپ وتىرمىز. بۇگىنگى كۇنى اۆتوكولىگى جوق شاعىن ەلدىمەكەندەردە شامامەن 30 مەديتسينالىق مەكەمە بار. جىلدىڭ سوڭىنا دەيىن ءبىز ولاردى تولىعىمەن قامتاماسىز ەتەمىز»، - دەدى بەردىبەك ساپاربايەۆ.
