اتىراۋ تۇرعىنى ءىز- ءتۇزسىز كەتكەن اعاسىمەن 25 -جىلدان كەيىن قاۋىشتى

شيرەك عاسىر بۇرىن اراقاتىناسى ءۇزىلىپ، كەيىن ءبىر-ءبىرىن تابا الماي قالعان اعايىندىلار اتىراۋ ۆوكزالىندا قاۋىشتى. ال قوس باۋىردىڭ جۇزدەسۋ ءساتىن «نۇر وتان» پارتياسىنىڭ وبلىستىق فيليالى ۇيىمداستىردى، دەپ حابارلايدى Atpress.kz.

الەكساندر كراينوۆ 1992-جىلى سوتتالىپ، اقمولا وبلىسىنا جازاسىن وتەۋگە جىبەرىلىپتى. ول تەمىر توردان 1996-جىلى بوساپ شىققانىمەن، حابار-وشارسىز كەتكەن. قۇجاتتارىن دا جوعالتىپ العان كورىنەدى. سەبەبى، ءىنىسى ۆالەري اقمولاعا بىرنەشە رەت بارعانىمەن، اعاسىن تابا الماي قايتقان. ءسويتىپ، «نۇر وتان» پارتياسىنىڭ كومەگىنە جۇگىنۋگە ءماجبۇر بولعان.

وسى ورايدا، «نۇر وتان» پارتياسى اتىراۋ وبلىستىق فيليالى قوعامدىق قابىلداۋ بولمەسىنىڭ مەڭگەرۋشىسى گۇلنار شانتەمىروۆانىڭ ايتۋىنشا، ۆالەري كراينوۆ پارتياعا بيىل شىلدە ايىندا وتىنىشپەن كەلگەن. اعاسىن ىزدەپ تابۋعا كومەكتەسۋدى سۇراعان. ءارتۇرلى تەلەباعدارلامالارعا حابارلاسىپ، ءمان-جايدى ايتقانىمەن ناتيجەسى بولماپتى.

«اقمولا وبلىسىنا قاراستى اۋداننىڭ ءبىر سەلوسىندا تۇرادى دەدى. ءوزى ناقتى بىلمەيدى. سودان ويلانا كەلە، اقمولا وبلىستىق پارتيا فيليالىنىڭ قوعامدىق قابىلداۋ بولمەسىنە بايلانىسقا شىقتىم. ولار ءىز-ءتۇزسىز كەتكەن اعاسىن تاۋىپ بەرۋگە جاردەمدەسىپ، قۇجاتتارىن قالپىنا كەلتىرۋگە سەپتەستى»، - دەيدى گۇلنار شانتەمىروۆا.

الەكساندر كراينوۆ شيرەك عاسىرعا جۋىق ۋاقىت كۇنكورىس قامى ءۇشىن استانادا ءارتۇرلى جۇمىستار ىستەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى