تالدىقورعاندا جاڭادان شاڭىراق كوتەرگەن 25 جۇپقا قۇرمەت كورسەتىلدى - فوتو، كەسكىن
شارا ەل تاۋەلسىزدىگىنىڭ 25 جىلدىعىنا وراي الماتى وبلىسىنىڭ «جۇلدىزدى 25 كۇن» اياسىندا ۇيىمداستىرىلدى، دەپ حابارلايدى قازاقپارات ءتىلشىسى.
جاس وتباسىلار وزدەرىنىڭ ۇمىتىلماس بۇل ساتتەرىن مەملەكەتىمىزدىڭ ءتول مەرەكەسىمەن تۇسپا-تۇس كەلۋىن ماقتان تۇتۋدا. ۇلكەن ومىرگە قول ۇستاسىپ، شاڭىراق كوتەرگەن جۇپتارعا 66 جىل وتاسقان نۇكەن اتا مەن داريعا اجەي اق باتاسىن بەردى. جاستارعا اق تىلەكتەرىن بىلدىرگەن ەسجانوۆتار اۋلەتى بۇگىندە 6 بالاسىنان 12 نەمەرە 14 شوبەرە ءسۇيىپ وتىرعان بەرەكەلى جانۇيانىڭ ءبىرى.
سونداي-اق، ەرلى-زايىپتىلارعا تۇرمىسقا قاجەت سىيلىقتار تابىستالدى. شارا اياسىندا ماحاببات نىشانىنا اينالعان اق كوگەرشىندەر كوككە ۇشىرىلدى. وبلىس اكىمى اماندىق باتالوۆتىڭ اتىنان ورىنباسارى جاقسىلىق ومار قۇتتىقتاپ، جاستارعا باقىت تىلەدى.
اۆتور: سامال قابىشيەۆا
