تاتارستان ءانشىسى قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتادى - فوتو
«قازاقستان حالقىن تاۋەلسىزدىكتىڭ 25 جىلدىعىمەن شىن جۇرەكتەن قۇتتىقتايمىن. ءبىزدىڭ رەسپۋبليكالاردى مىزعىماس دوستىق بايلانىستىراتىنىن بىلەمىن. تاتارستان ەلى ءسىزدىڭ پرەزيدەنتتەرىڭىزدى، نۇرسۇلتان نازاربايەۆتى قاتتى قۇرمەتتەيدى. قازاقستاننىڭ گۇلدەنىپ- وركەندەۋىن تىلەيمىن. ەلدە ەش سوعىس بولماسىن، جاماندىق اتاۋلى اينالىپ ءوتسىن جانە ەڭ باستىسى دەنساۋلىق پەن بەيبىتشىلىك تىلەيمىن. جاراتقان ءاربىر قازاقستاندىققا باقىت سىيلاسىن»، - دەدى ا. باريەۆا قاراعاندىدا وتكەن سابانتوي مەرەكەسىندە.
ول قازاقستان حالقىنىڭ بىرلىگىن، قوناقجايلىلىعىن تىلگە تيەك ەتتى.
«قازاقستانعا بىرنەشە رەت كەلگەنىممەن، قاراعاندىعا العاش رەت تابان تىرەپ وتىرمىن. مەن 20 جىل ساحنادا ءجۇرىپ، كوپتەگەن ەلدە بولدىم. ءتىپتى، اۆسترالياداعى سابانتويدا دا ونەر كورسەتتىم. تاتارلاردان دا باسقا حالىقتاردى بىرىكتىرەتىن سابانتوي مەرەكەسىنىڭ بار ەكەنىنە قاتتى قۋانامىن. مۇندا دا بىرنەشە ۇلت وكىلدەرىن كورىپ تۇرمىن. ەڭ باستى، ەڭ قۇندى دۇنيە - وسى»، - دەدى ءانشى.
