استانادا 25 - اقپاننان باستاپ جاڭا جىلدامدىق ولشەۋ قۇرالدارى ىسكە قوسىلادى

قالا كوشەلەرىندە پايدا بولعان جاڭا «سۇر» ءتۇستى كەشەننىڭ بۇرىنعى جىلدامدىق ولشەۋ قۇرالدارىنان ءبىر ايىرماشىلىعى - اپپارات جول ەرەجەسىن بۇزعان كولىكتى بايقاتپاي، ياعني، ەشقانداي اسەرسىز سۋرەتكە تۇسىرەدى.

تاعى ءبىر ارتىقشىلىعى - بۇل «ۆوكورد» كەشەندەرى جول ەرەجەسىن بۇزعان كولىكتىڭ مەملەكەتتىك تىركەۋ نومەرىن كۇندىز دە، تۇندە دە انىقتاپ بەرە الادى.

 «ۆوكورد» كەشەندەرى كولىكتىڭ مەملەكەتتىك تىركەۋ نومەرىن كۇندىز دە، تۇندە دە ايىرىپ تاني الادى. ياعني، تۇنگى ۋاقىتتا نومەردى تانۋ مۇمكىندىگى 98 پايىز»، - دەيدى كەشەندەردى جاساعان «Astana innovations»  ا ق باسقارما ءتوراعاسى ەسكەندىر تاجىبەكوۆ.

سونىمەن، «ۆوكورد» كەشەندەرى قالانىڭ اپات كوپ بولاتىن ۋچاسكەلەرىندە جۇرگىزىلگەن تالداۋعا ساي، مىنا كوشەلەر تاڭدالعان ەكەن.

1. ەكى كەشەن قورعالجىن تاس جولىنداعى تازارتۋ قۇرىلعىلارىنا قاراما- قارسى جەردە؛

2. بەس كەشەن سىعاناق كوشەسىنىڭ بويىندا (كوشەنىڭ باس جاعىندا جانە ورىنبور كوشەسىمەن قيىلىساتىن جەردە)؛

3. ەكى جىلدامدىق ولشەۋ قۇرالى تۇران داڭعىلىندا (ۇلتتىق قورعانىس ۋنيۆەرسيتەتىنە قارسى)؛

4. ەكى كەشەن قالادان وڭتۇستىك باعىتتا شىعا بەرىستەگى «قارقارالى» تاس جولىنىڭ بويىندا؛

 5. ەكى كەشەن كەرەي مەن جانىبەك حاندار كوشەسى بويىنشا «ساراندا» تۇرعىن ءۇي كەشەنىنە قارسى اۋماقتا؛

6. التى جىلدامدىق ولشەگىش قۇرال «استانا- قاراعاندى» تاس جولىنىڭ بويىندا ورنالاسقان «مەترو» ساۋدا ورتالىعىنا قاراما- قارسى ايماقتا، اينالما كوپىر مەن ميچۋرينو اۋىلى اراسىندا؛

7. ەكى جىلدامدىق ولشەۋ قۇرالى بايىرقۇم كوشەسىندەگى كوكونىس بازاسىنا قارسى بەتتە ورنالاسادى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى