قازاقستاننىڭ اۋە قورعانىسى كۇشتەرىنىڭ 25 پايىزى ايەلدەر - فوتو
ق ر ق ك اۋە قورعانىسى كۇشتەرى باس قولباسشىسىنىڭ باسقارماسىنىڭ مالىمدەۋىنشە، ولار اسكەري ءىستىڭ كاسىپقويلارى جانە بەيبىت ۋاقىتتا ءارى اۋا رايىنا قاراماستان شەكارانىڭ قاشىقتىعى 12,2 مىڭ شاقىرىمداعى ەلىمىزدىڭ اۋە كەڭىستىگىن كۇزەتۋ جونىندەگى جاۋىنگەرلىك كەزەكشىلىكتە تۇراتىن اۋە شابۋىلىنا قارسى قورعانىس اسكەرلەرىنىڭ مىندەتتەرىن لايىقتى تۇردە ورىندايدى.
«ارميادا ايەلدەردى ەركىنە جىبەرۋ جانە جەڭىلدىك جاساۋ دەگەن ۇعىم جوق. بارلىعىمىز ەڭ الدىمەن، اسكەري قىزمەتشىمىز جانە ءتيىستى دەڭگەيدە بولۋعا تىرىسامىز، قازاقستان قارۋلى كۇشتەرىنىڭ وزگە دە اسكەر تەكتەرىنىڭ الدىنداعىداي اۋە شابۋىلىنا قارسى قورعانىس اسكەرلەرىنىڭ الدىندا وزدەرىنىڭ ەرەكشە تاپسىرمالارى تۇر جانە ولاردىڭ ورىندالۋىنداعى ءبىزدىڭ كاسىپقويلىعىمىزدان كوپ نارسە بايلانىستى»، - دەپ اتاپ ءوتتى كەلىسىمشارت بويىنشا قاتارداعى جاۋىنگەر دينا ءتۇسىپوۆا.
جالپى العاندا، قازاقستاننىڭ اۋە قورعانىسى كۇشتەرىندە ايەل اسكەري قىزمەتشىلەر ديسپەتچەرلىك قىزمەتكە، مەديتسينا مەن بايلانىسقا تارتىلعانىن ايتا كەتكەن ءجون. بۇگىندە اتالعان اسكەر ءتۇرىنىڭ بولىمدەرى مەن قۇرامالارىندا اسكەري قىزمەتشىلەردىڭ جالپى سانىنىڭ 25 پايىزىن ايەلدەر قۇرايدى. ولاردىڭ ق ر ق ك ا ق ك اسكەرلەرىندەگى اسكەري ەڭبەك ءوتىلى 15-20-جىلدان استام جانە جۇزدەگەن جاۋىنگەرلىك كەزەكشىلىكتى وتكەرگەن.
