ەرمەك تۇرسىنوۆ 25 جىل بۇرىن جازىلعان ديپلومدىق جۇمىسىن ەكرانعا شىعاردى - كەسكىن

ايتا كەتۋ كەرەك، كارتينا تورونتو قالاسىندا وتكەن كينوفەستيۆالدە جوعارى باعاعا يە بولدى. مۇندا 300 گە جۋىق كارتينا باعىن سىناعان بولاتىن.

فيلمنىڭ پروديۋسەرى قانات تورەبايدىڭ ايتۋىنشا، ەرتەڭ «ەۋرازيا» كينوفەستيۆالىندە ۇلتتىق، ەۋروپالىق جانە ازيالىق پرەمەراسى وتەدى.

«فيلم شىنايى وقيعاعا نەگىزدەلىپ ءتۇسىرىلدى. كەڭەس زامانىنىڭ قۇيتىرقى ساياساتىنان قاشقان ءىلياس ەسىمدى بالا تاۋ-تاستى پانالاپ، جابايى عۇمىر كەشەدى. ءبىراق ءبارىبىر وعان قوعامعا قايتىپ كەلۋگە تۋرا كەلەدى.

فيلم بارىسىندا قوعام مەن تۇلعانىڭ، تۇلعا مەن تابيعاتتىڭ اراسىنداعى قايشىلىق تۋرالى باياندالادى. قوعامنان قول ءۇزىپ قالا الماعان قويشى ءومىرىنىڭ سوڭىنا دەيىن ۇجىمشاردىڭ قويىن باعىپ وتكەن. شىن مانىندە ول 2002-جىلى قايتىس بولعان. رەجيسسەر ەرمەك تۇرسىنوۆ ءوزىنىڭ بالا كەزىندە الگى ادامدى كورگەن ەكەن. ال كينودا ول 1955-جىلى كوز جۇمادى»، - دەدى پروديۋسەر.

پروديۋسەردىڭ ايتۋىنشا، فيلمدى تۇسىرۋگە اسا كوپ قارجى كەتپەگەن. نەگىزگى قارجى دەكوراتسيا جاساۋعا جۇمسالدى.

ايتا كەتۋ كەرەك، بۇل كارتينا وسكار كينوفەستيۆالىنە «شەت تىلىندەگى» ەڭ ۇزدىك فيلم اتالىمىندا ۇسىنىلدى.

ەڭ بەدەلدى كينوفەستيۆالگە جىل سايىن 2 مىڭعا جۋىق كارتينا ۇسىنىلادى. جەلتوقسان ايىندا لونگ ليست قالىپتاسىپ، ەڭ ۇزدىك جۇزدىك ىرىكتەلەدى. قاڭتاردىڭ ورتاسىندا 9 كارتينادان تۇراتىن شورت-ليست، اقپاندا ەڭ ۇزدىك 5 تىكتى انىقتايتىن سۋپەر شورت-ليست بەلگىلى بولماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى