اتىراۋدا ءبىر جەر تەلىمىن 25 رەت ساتقان الاياق ايەل سوتتالدى
«اتىراۋ قالالىق ىشكى ىستەر باسقارماسىنا اتىراۋ وبلىسىنىڭ 25 تۇرعىنىنان ارىز كەلىپ تۇسكەن. 2014-2015 -جىلدار ارالىعىندا ولاردىڭ ءارقايسىسى ءوز اتتارىنا جەل تەلىمىن ءتۇسىرۋ ءۇشىن ە. سترۋنياشەۆاعا 50 مىڭ تەڭگە بەرگەن. ايەل ولارعا اتىراۋدىڭ شەتتەگى شاعىناۋدانداعى ساياجايدان 10 سوتىق جەر ساتىپ الۋعا ۇسىنىس جاساعان. ساتىپ الۋشىلاردىڭ كەيبىرىنە ە. سترۋنياشەۆا «پروەكتيروۆشيك» ساياجايلىق قاۋىمداستىعىنىڭ اتىنان اقشا العاندىعى جونىندە كىرىس- كاسسالىق وردەر راسىمدەپ وتىرعان. ول بۇل جەردە ساياجاي ءتوراعاسىنىڭ كومەكشىسى بولىپ قىزمەت جاساعان. ال جابىرلەنۋشىلەردىڭ ەشقايسىسى دا جەر تەلىمىن الماعان. سودان سوڭ بارىپ پوليتسياعا شاعىمداندى»، - دەدى اتىراۋ وبلىستىق سوتى باسپا ءسوز قىزمەتىنىڭ جەتەكشىسى بورانباي عاليەۆ.
سوتتا ايەل ءوز كىناسىن ءىشىنارا مويىندادى. ول ساتىپ الۋشىلاردىڭ بارلىعىنا ءبىر عانا جەر تەلىمىن كورسەتكەنىن ايتتى.
"العاشقى سوت ينستانتسياسى ە. سترۋنياشيەۆانى ق ر 190-بابى 2- ءبولىمى 2-تارماعىنا سايكەس (الاياقتىق) ايىپتى دەپ تانىدى. ول مۇلكى تاركىلەنۋمەن بىرگە 4 جىلعا باس بوستاندىعىنان ايىرىلدى. پروباتسيالىق باقىلاۋ بەلگىلەنىپ، 4 جىلعا ءماجبۇرلى ەڭبەككە تارتىلاتىن بولادى. ودان باسقا سوتتالۋشى جابىرلەنۋشىلەرگە كەلتىرگەن شىعىندى وتەپ بەرەدى»، - دەدى ب. عاليەۆ.
