بەلگىلى كينورەجيسسەرى ەرمەك تۇرسىنوۆ 25 جىل بۇرىنعى سەناري بويىنشا فيلم ءتۇسىردى - فوتو

ونىڭ سەناريىن ءوزى 25 جىل بۇرىن ديپلوم جۇمىسى ءۇشىن جازعان، - دەپ حابارلايدى Tengrinews.kz ءتىلشىسى.

«جات» فيلمى ومىردە بولعان وقيعالارعا نەگىزدەلگەن، وندا 30 جىلدارى ومىردەن باز كەشىپ، تاۋدا عۇمىر كەشۋگە كەتىپ قالعان ءىلياس ەسىمدى ەر ادامنىڭ باسىنان كەشكەن جايتتار باياندالادى.

«ءبىز ەرمەك ەكەۋىمىز ءتۇسىرىلىم الدىندا باس كەيىپكەر پروتوتيپىنىڭ مولاسىنا باردىق، ونىمەن تانىس بولعان ادامدارمەن اڭگىمەلەستىك. ەرمەكتىڭ ءوزى ونى بالا كەزىندە كورگەن. ەر ادام 30-جىلدارى تاۋعا كەتىپ قالىپ، ءومىرىنىڭ سوڭىنا دەيىن ورالمادى. ول وركەنيەتتەن مۇلدەم قول ءۇزدى دەۋگە بولمايدى، ءبىراق بار عۇمىرىن جالعىزدىقتا وتكىزدى»، - دەيدى كارتينا پروديۋسەرى قانات تورەباي.

ەرمەك تۇرسىنوۆ وسىلايشا ادام تاعدىرى تۋرالى كەزەكتى ءتامسىلىن ۇسىنىپ وتىر. «بۇرىنعى ەڭبەكتەرىندەگىدەي بۇل كينوعا دا ول تەرەڭ فيلوسوفيالىق ماعىنا بەرىپ وتىر. كارتينادا قايتكەندە ادام بولىپ قالۋ كەرەك دەگەن ماسەلە كوتەرىلەدى. توبىردان بولەك كەتۋ مەن ونىڭ ورتاسىندا ءومىر ءسۇرۋدىڭ ارا- جىگى تۋرالى ايتىلادى. بۇل - ۇلكەن فيلوسوفيالىق جۇمىس»، - دەدى تورەباي.

كارتينانىڭ ءتۇسىرىلىمى 2014 - جىلدىڭ قاراشا ايىندا اياقتالعان. كينو الماتى وبلىسىنىڭ تاۋلارىندا ءتۇسىرىلدى. «جات» لەنتاسى قازىر پوستپروداكشن كەزەڭىندە. فيلمدە نەگىزگى رولدە «كەلىن» لەنتاسى ارقىلى تانىس ەرجان نۇرىمبەت وينايدى.

ايتا كەتەيىك، رەجيسسەر ءبىر جىل ىشىندە ينۆەستورلار قارجىسىنا ەكىنشى فيلمىن ءتۇسىرىپ وتىر. 2014 - جىلدىڭ ناۋرىزىندا ونىڭ «كەمپىر» فيلمى پروكاتقا شىققان ەدى. ال بيىل ءساۋىر ايىندا تۇرسىنوۆتىڭ «كەنجە» كارتيناسى كورەرمەنگە جول تارتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى