ەلىمىزدە حالىق سانى ءبىر جىلدا 255 مىڭعا ارتتى
ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2016 -جىلدىڭ قاڭتار- ساۋىردە تۋىلعاندار سانى 131,1 (2015 -جىلعى قاڭتار- ساۋىردە - 127,0) مىڭ ادامدى قۇرادى، بۇل 2015 -جىلدىڭ قاڭتار- ساۋىرىنە قاراعاندا 3,2 پايىزعا كوپ. تۋۋدىڭ جالپى كوەففيسيەنتى 1000 ادامعا 22,29 (22,02) تۋىلعانداردى قۇرادى.
قاراستىرىلىپ وتىرعان كەزەڭدە قايتىس بولعاندار سانى - 45,0 مىڭ ادام. ءولىم- ءجىتىمنىڭ جالپى كوەففيسيەنتى 1000 ادامعا 7,65-تەن كەلەدىڭ.
2016 -جىلعى قاڭتار- ساۋىردە رەسپۋبليكا حالقىنىڭ تابيعي ءوسىمى 2015 -جىلعى سول كەزەڭمەن سالىستىرعاندا 4,5 مىڭ ادامعا نەمەسە 5,5 پايىز كوبەيىپ، 86,1 (81,6) مىڭ ادامدى قۇرادى.
كوشى- قون پوليتسياسى ورگاندارى ۇسىنعان كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2016 -جىلعى قاڭتار- ساۋىردە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ- قونۋشىلار) 2015 -جىلعى قاڭتار- ساۋىرمەن سالىستىرعاندا 23,9 پايىزعا كەمىپ، 4142 ادامدى قۇرادى. ەلىمىزدەن كەتكەن كوشىپ- قونۋشىلاردىڭ تىركەلۋ سانى 16,3 پايىزعا كوبەيىپ، 7663 ادامدى قۇرادى، كوشى- قوننىڭ ايىرىمى - 3521 ادام بولدى. ەلىمىزدەگى نەگىزگى كوشى- قون الماسۋى ت م د مەملەكەتتەرىمەن بولۋدا. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، 73,5 پايىز جانە 88,1 پايىزدى قۇرادى.
قاراستىرىلىپ وتىرعان كەزەڭدە 2015ج. قاڭتار- ساۋىرمەن سالىستىرعاندا ەل ىشىندە كوشىپ- قونۋشىلار سانى 17,6 پايىز ازايىپ، 133695 ادامدى قۇرادى. ءوڭىر ارالىق كوشىپ- قونۋشىلاردىڭ ۇلەسىنە ەلىمىزدىڭ جالپى ىشكى كوشىپ- قونۋشىلار سانىنىڭ 42,7 پايىز تيەسىلى. ءوڭىرارالىق كوشى- قوننىڭ وڭ ايىرىمى الماتى (12426 ادام)، استانا (16 ادام) قالالارىندا جانە پاۆلودار (265 ادام)، اقمولا (249 ادام)، قوستاناي (246 ادام) ، ماڭعىستاۋ (196 ادام) ، اتىراۋ (190 ادام) وبلىستارىندا قالىپتاستى.
