شەتەلدەن يمپورتتالعان 250 تاۋار ەندى وزىمىزدە وندىرىلەدى - جەڭىس قاسىمبەك

مينيسترلىكتىڭ تۇسىندىرۋىنشە، ماتا ءوندىرىسى، كيىم مەن اياق كيىم، تىڭايتقىشتار، لاك بوياۋلارى، تەرەزە، ەسىك جانە جيھاز وندىرىسىنە قولداۋ كورسەتىلمەك.

«مەملەكەت باسشىسىنىڭ تاپسىرماسىمەن بولىنەتىن 600 ميلليارد تەڭگەنىڭ 400 ميلليارد تەڭگەسى وڭدەۋ ونەركاسىبىنە جىبەرىلەدى. بۇل قازاقستاندىقتار كۇندە پايدالاناتىن شامامەن 250 ونەركاسىپ تاۋارلارىنىڭ ءوندىرىسىن ىسكە قوسۋعا مۇمكىندىك بەرەدى. قازىر ول تاۋارلاردىڭ % 82 يمپورتقا تيەسىلى» ، - دەدى ج. قاسىمبەك ۇكىمەت ۇيىندە وتكەن باسپا ءسوز ءماسليحاتىندا.

ونىڭ ايتۋىنشا، جاڭا قارجىلاندىرۋ اتالعان تاۋارلار بويىنشا يمپورت ۇلەسىن %50 دەيىن ازايتۋعا سەپتىگىن تيگىزەدى.

 ايتا كەتەيىك، 2018 -جىلدىڭ 5 - قازانىندا پرەزيدەنت نۇرسۇلتان نازاربايەۆ قازاقستان حالقىنا ارنالعان جولداۋىندا حالىق تۇتىناتىن تاۋارلاردى ەلدە ءوندىرىپ، «قاراپايىم زاتتار ەكونوميكاسىن» دامىتۋ ءۇشىن كاسىپورىندارىمىزعا كومەكتەسۋدى ايتقان ەدى. ول ۇكىمەتكە وڭدەۋ ونەركاسىبى مەن شيكىزاتتىق ەمەس ەكسپورتتى قولداۋ ماقساتىمەن الداعى 3 جىلدا قوسىمشا 500 ميلليارد تەڭگە ءبولۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى