الاياقتاردىڭ قۇربانى بولعان قىتايدان كەلگەن 250 ورالمان قۇجاتتارىن قايتا ازىرلەۋدە

جامبىل وبلىسىنىڭ اۋماعىندا زاڭدى قۇجاتتارىنسىز جۇرگەن 250 ورالمان زارداپ شەگۋشى بولىپ تانىلدى، دەپ حابارلايدى «قازاقپارات» ح ا ا ءتىلشىسى.

ايتا كەتەيىك، 2015-جىلى قىتايدان 250 ەتنيكالىق قازاق كوشىپ كەلگەن. ەكى جىلدان كەيىن ولاردىڭ قازاقستاندا جالعان قۇجاتپەن ءومىر ءسۇرىپ جاتقانى انىقتالدى.

زاڭ بويىنشا ولار ەلدەن شىعارىلۋى كەرەك بولعان. ەلدەن الاستاتۋ ماسەلەلەرى دە قاراستىرىلىپ جاتقان بولاتىن.

الايدا، ولار ب ا ق جانە الەۋمەتتىك جەلىلەر ارقىلى قۇجاتتارىن تالاپقا ساي سايكەستەندىرۋدى جانە قازاقستاندا قالۋلارىنا كومەك كورسەتۋدى سۇراپ، ق ر پرەمەر-ءمينيسترى باقىتجان ساعىنتايەۆقا جۇگىنگەن بولاتىن.

جۋىردا تاراز قالاسىنىڭ 2№ سوتى تاراز ىشكى ىستەر باسقارماسىنىڭ كوشى-قون پوليتسياسى بولىمشەسىنىڭ باستىعى مەن ينسپەكتورى اسقان زەيداليەۆ پەن رۋسلان قاسىموۆتى، سونداي-اق ايماق تۇرعىندارى رۋسلان ۇسەروۆتى، بارشا وسەر جانە ءلايلا بيسەنبايەۆانى ق ر ق ك- ءىنىڭ ءبىرقاتار باپتارى بويىنشا كىنالى دەپ تاپتى.

ولارعا قىتاي، قىرعىزستان، وزبەكستان جانە رەسەيدەن كەلگەن 609 شەتەل ازاماتىنا قاتىستى زاڭسىز كوشى-قون ۇيىمداستىردى دەگەن ايىپ تاعىلدى.

ايىپتالۋشىلار شەتەل ازاماتتارىنا ەڭبەككە ارالاسۋعا، ۋاقىتشا تىركەۋگە تۇرۋعا، مەكەنجاي بويىنشا تىركەلۋگە جانە ىقتيار حات الۋعا زاڭسىز رۇقسات بەرىپ كەلگەن.

جامبىل وبلىسى ءى ءى د مالىمەتىنشە، قىتايدان كەلگەن 250 ورالمان الاياقتىق پەن دەلدالداردىڭ قۇربانى بولدى. قازىر ولاردىڭ بارلىعى ىقتيار حات الۋعا قايتادان قاجەتتى ينستانتسيالاردان ءوتىپ جاتىر. 50 گە جۋىعى رەسمي تىركەۋگە تۇرىپ، ۇشەۋى قازاقستان رەسپۋبليكاسىنىڭ ازاماتتىعىن الىپ ۇلگەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى