قازاقستاندا قىركۇيەك ايىندا 250 مىڭ تونناعا جۋىق جانارماي وندىرىلەدى

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ۆيتسە- ءمينيسترى ۇزاقباي قارابالين ايتتى.  

«وسى ايدا ءبىز ەلىمىزدەگى زاۋىتتاردا شامامەن 250 مىڭ توننا جانارماي وندىرەتىن بولامىز. زاۋىتتار تولىق جۇكتەمەمەن جۇمىس ىستەپ تۇر. وسىنىڭ ناتيجەسىندە ا ي-92 ماركالى جانارمايىن ءوندىرۋ كولەمى 186 مىڭ تونناعا جەتەدى دەپ جوسپارلاپ وتىرمىز» ، - دەدى ۆيتسە- مينيستر.

ونىڭ ايتۋىنشا، بۇگىندە قازاقستاننىڭ نارىعى ايىنا 280 مىڭ توننا جانارماي تۇتىنادى. «ءبىراق وزدەرىڭىز بىلەسىز، ءبىز سونىڭ ۇشتەن ءبىر بولىگىن ۇنەمى رەسەيدەن يمپورتتاپ كەلەمىز» ، - دەدى ۇ. قارابالين.  

 شىمكەنت مۇناي وڭدەۋ زاۋىتىنىڭ جوسپارلىق جوندەۋ جۇمىستارى قازاقستانداعى جانار- جاعارمايعا دەگەن تاپشىلىق سالدارىنان 2015 -جىلدىڭ اقپانىنا دەيىن شەگەرىلە تۇرۋى مۇمكىن.  

«بۇگىندە شىمكەنتتەگى مۇناي وڭدەۋ زاۋىتىن جوندەۋگە جابۋ جۇمىستارىن كەلەسى جىلدىڭ اقپان- ءساۋىر ايلارىنا دەيىن شەگەرە تۇرۋ جايى تالقىلانىپ، شەشىم قابىلداۋ ماسەلەسى قارالۋدا. بۇل ەلىمىزدىڭ ىشكى نارىعىنداعى جانار- جاعارمايعا دەگەن تاپشىلىقتى جويۋ ماقساتىندا بارلىق مۇناي وڭدەۋ زاۋىتتارىن تولىقتاي جۇكتەمەمەن جۇمىس ىستەتۋگە جۇمىلدىرۋ ءۇشىن جاسالىپ جاتىر» ، - دەپ ءتۇسىندىردى ۆيتسە- مينيستر.    

اۆتور:   ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى