2,5 ميلليارد تەڭگە: 5 مىڭنان استام بالانىڭ اليمەنتتىك قارىزى ءوندىرىلدى
استانا. KAZINFORM - پروكۋراتۋرانىڭ قاداعالاۋ قىزمەتىنىڭ باسىم باعىتتارىنىڭ ءبىرى - جالاقى مەن اليمەنت ءوندىرۋ.
ەلوردا پروكۋراتۋراسىنىڭ ۇيلەستىرۋىمەن سوت ورىنداۋشىلارى جالاقى بويىنشا بورىشكەرلەردەن 320 ميلليون تەڭگەنى ءوندىرىپ، 160 جۇمىسشىنىڭ قۇقىعىن قورعادى.
5 مىڭنان استام بالانىڭ 2,5 ميلليارد تەڭگەگە اليمەنتتىك قارىزى ءوندىرىلدى. قالالىق پروكۋراتۋرا بورىشكەرلەردىڭ سوت اكتىلەرىن ورىنداۋدان جالتارۋ فاكتىلەرىن انىقتاۋ بويىنشا جۇمىس جۇرگىزىپ جاتىر. مىسالى، 1 ميلليارد تەڭگەدەن استام قارىزى بار 500 اسا بورىشكەر قۇمار ويىندارعا (بۋكمەكەرلىك كەڭسەلەر، كازينولار، ونلاين كازينولار ارقىلى) 1,5 ميلليارد تەڭگە اينالىمىمەن قاتىسقان.
8 ميلليون تەڭگە قارىزى بار باسقا 2 بورىشكەر كۋرەرلىك جەتكىزۋ قىزمەتىندە جۇمىس ىستەپ ءجۇرىپ كىرىستەرىن جاسىرعان. 10 بورىشكەر 230 ميلليون تەڭگەنى قۇرايتىن كاسىپكەرلىك قىزمەتتەن تۇسكەن كىرىستەن 50 ميلليون تەڭگە كولەمىندە قارىزىن وتەمەگەن.
اتالعان زاڭبۇزۋشىلىقتار بويىنشا قالالىق پروكۋراتۋرا 38 سوتقا دەيىنگى تەرگەپ-تەكسەرۋگە باستاماشىلىق جاسادى، 14 بورىشكەر سوتتالدى، 165-اكىمشىلىك جاۋاپتىلىققا تارتىلدى. سونداي-اق ەنگىزىلگەن پروكۋرورلىق قاداعالاۋ اكتىسى بويىنشا ۋاكىلەتتى ورگان ولاردى جويۋ شارالارىن قابىلداپ جاتىر.
اتىراۋدا اليمەنت تولەمەي جۇرگەندەر قۇمار ويىنعا قىرۋار قارجى اۋدارعانىن جازعان بولاتىنبىز.
