جىلدىڭ ورتاسىنا دەيىن قازاقستاندا ءۇي باعاسى 25-40 پايىزعا ارزاندايدى

قازاقستاندىق جىلجىمايتىن مۇلىك قاۋىمداستىعىنىڭ مالىمەتىنشە، بيىل ءساۋىر ايىندا وتكەن جىلدىڭ وسى ۋاقىتىمەن سالىستىرعاندا ەليتالى جانە بيزنەس ساناتتاعى جاڭا ۇيلەر 10-15 پايىزعا، ال كومفورت جانە ەكونوم ساناتتاعى جاڭا ۇيلەر 15-20  پايىزعا ارزاندادى.

«قايتالاما نارىققا كەلەر بولساق، ناقتى ساۋدادا باعانىڭ تومەندەۋى ساۋىردە 25-35 پايىزعا دەيىن جەتتى. 2,3 جانە 4 بولمەلى ۇيلەردىڭ شارشى مەترى رەسپۋبليكا بويىنشا ورتا ەسەپپەن 155 مىڭ تەڭگە بولدى. باعانىڭ تومەندەۋى بىلتىرعى تەڭگەنىڭ تۇراقسىزدىعى»، - دەپ جازادى قاۋىمداستىق.

سونىمەن قاتار قاۋىمداستىق باعانىڭ الداعى ۋاقىتتا دا تۇسەتىنىن بولجايدى.

ساراپشىلاردىڭ پىكىرىنشە، قازىرگى تاڭدا ساۋدالانىپ جاتقان ۇيلەردىڭ 60 پايىزى جاڭا ۇيلەر.

قاۋىمداستىق بولجامىنا سۇيەنسەك، جىلدىڭ ورتاسىنا قاراي جاڭا ءۇي باعاسى 25 پايىز، ال قايتالاما نارىقتاعى باعا 40 پايىزعا ارزاندايدى.

http://naryk.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى