رەسەيدەن قازاقستانعا اقشا اۋدارىمدارى 24 پايىزعا ازايدى
پورتال مالىمەتىنشە، بيىل قاڭتار- مامىردا قازاقستاندىقتار مەن ەل قوناقتارى حالىقارالىق اقشا اۋدارۋ جۇيەلەرى ارقىلى شەتەلگە 349,2 ميلليارد تەڭگە جىبەردى.
بۇل 2022 -جىلدىڭ سايكەس كەزەڭىمەن سالىستىرعاندا 10,8 پايىزعا كەم.
شەتەلدەن تۇسكەن اقشا اۋدارىمدارىنىڭ كولەمى 137,6 ميلليارد تەڭگەنى قۇرادى. بۇل 2022 -جىلعى قاڭتار- مامىرمەن سالىستىرعاندا 23 پايىزعا از.
2023 -جىلدىڭ مامىر ايىندا شەتەلگە 90 ميلليارد تەڭگە جونەلتىلدى.
كورسەتكىش وسى جىلدىڭ ساۋىرىمەن سالىستىرعاندا 17,7 پايىزعا كوپ بولعانىمەن 2022 -جىلدىڭ مامىرىمەن سالىستىرعاندا 8,5 پايىزعا تومەن.
2023 -جىلدىڭ مامىر ايىندا اقشا اۋدارۋ جۇيەلەرى ارقىلى شەتەلدەن 28 ميلليارد تەڭگە ءتۇستى. سوما بيىلعى ساۋىرمەن سالىستىرعاندا 6,5 پايىزعا كوپ.
ءبىراق 2022 -جىلدىڭ مامىرىمەن سالىستىرعاندا بىردەن 2,5 ەسە تومەن.
قازاقستاننان اقشا اۋدارۋ جۇيەلەرى ارقىلى اقشا جىبەرىلگەن ەلدەردىڭ ىشىندە 2023 -جىلدىڭ قاڭتار- مامىرىندا تۇركيا 89,5 ميلليارد تەڭگەمەن كوش باستادى.
بۇل بىلتىرعى سايكەس كەزەڭمەن سالىستىرعاندا 8,4 پايىز از. ەكىنشى ورىندا رەسەي: 89 ميلليارد تەڭگە، 2022 -جىلدىڭ قاڭتار- مامىرىمەن سالىستىرعاندا بىردەن 39,8 پايىز كوپ.
ۇزدىك ۇشتىكتى وزبەكستان تۇيىندەيدى: 81,5 ميلليارد تەڭگە، ءبىر جىل بۇرىنعىدان 13 پايىز از.
سونداي-اق ايتارلىقتاي كولەم گرۋزياعا (36,7 ميلليارد تەڭگە)، قىتايعا (11,3 ميلليارد تەڭگە) جانە قىرعىزستانعا (10,8 ميلليارد تەڭگە) تيەسىلى.
اقشا اۋدارۋ جۇيەلەرى ارقىلى قازاقستانعا قاراجات اۋدارعان ەلدەر ىشىندە رەسەي ءبىرىنشى ورىندا: 54,9 ميلليارد تەڭگە، الايدا بۇل 2022 -جىلدىڭ قاڭتار- مامىرىمەن سالىستىرعاندا 24,1 پايىزعا تومەن.
سونداي-اق ايتارلىقتاي كولەم وزبەكستان (14,7 ميلليارد تەڭگە)، وڭتۇستىك كورەيا (13,9 ميلليارد تەڭگە) جانە ا ق ش-تان (13,9 ميلليارد تەڭگە) كەلدى.
ايتا كەتەيىك، بيىل مامىردا رەسەيدەن 10,6 ميلليارد تەڭگە اۋدارىلدى، بۇل ەلىمىزگە اۋدارىلعان بارلىق اقشانىڭ 37,8 پايىزىن قۇرادى. ءبىر جىل بۇرىن رەسەيدىڭ ۇلەسى بارلىق اۋدارىمنىڭ 65,9 پايىزىنا تەڭ بولىپ، 45,6 ميلليارد تەڭگەگە جەتكەن.
