قاتتى الاڭداتادى: ءۇش كۇندە جول اپاتىنان 24 ادام كوز جۇمدى
«التى اي ىشىندە ءبىز 1,5 مىڭعا جۋىق ادامنىڭ ءومىرىن ساقتاپ قالعانىمىزعا قاراماستان، وتكەن جۇما، سەنبى، جەكسەنبى كۇندەرى شامامەن 25 ادامنان ايىرىلىپ قالدىق. قالا ماڭىنداعى تراسسالاردا ءۇش نەمەسە ودان دا كوپ ادام شىعىنى بولعان جول- كولىك وقيعالارى جيىلەپ كەتكەنى قاتتى الاڭداتادى»، - دەدى ءى ءى م ا پ ك ەرەكشە تاپسىرمالار جونىندەگى اعا ينسپەكتورى اقتوتى بورانوۆا.
ماسەلەن، 15-شىلدەدە اباي وبلىسىندا Lada اۆتوكولىگىنىڭ جۇرگىزۋشىسى كولىك رۋلىنە يە بولا الماي، اۆتوماشينانىڭ اۋدارىلۋىنا جول بەردى. اپات سالدارىنان ءۇش ادام قازا تاۋىپ، ەكى ادام ءتۇرلى جاراقات الدى.
16-شىلدە ساعات 15:00 شاماسىندا دوسسور - قۇلسارى - بەينەۋ رەسپۋبليكالىق ماڭىزى بار اۆتوجولىندا Chevrolet سobalt جۇرگىزۋشىسى قارسى قوزعالىس جولاعىنا شىعىپ، Toyota اۆتوكولىگىمەن سوقتىعىسقان. جەتى ادام قازا تاۋىپ، ەكى ادام جاراقات الدى.
وسى اپتا دا جول-كولىك وقيعالارىنان باستالدى. كەشە تاڭەرتەڭ تۇركىستان وبلىسىنداعى شايان اۋىلىنىڭ ماڭىندا جانتۇرشىگەرلىك جول-كولىك وقيعاسى بولدى. ەكپىندى - سوزاق وبلىستىق ماڭىزى بار تاس جولىندا Nissan, Toyota Camry جانە Volkswagen Crafter كولىكتەرى سوقتىعىسقان. كولىك قۇرالدارى قاس قاعىم ساتتە ورتكە وراندى.
وقيعا ورنىندا 10 ادام قايتىس بولدى، 12 ادام اۋرۋحاناعا جەتكىزىلدى. الدىن الا مالىمەتتەر بويىنشا جول اپاتىنا Nissan اۆتوكولىگىنىڭ قارسى ءجۇرىس جولاعىنا شىعۋى سەبەپ بولعان. وسى جاعدايلاردىڭ بارلىعى جول جۇرىسىنە قاتىسۋشىلاردىڭ ءتارتىبىنىڭ تومەندىگىن جانە جۇرگىزۋشىلەردىڭ مەنمەندىگىن كورسەتەدى.
تالداۋعا سايكەس بارلىق جول-كولىك وقيعالارىندا جۇرگىزۋشىلەر اسىعىس ءجۇرىپ، باسىپ- وزۋ ءۇشىن قارسى جولاققا شىعادى. جىلدامدىقتىڭ جوعارىلاۋىنا بايلانىستى ولار اۆتوكولىك رۋلىنە يە بولا الماي، كەلەڭسىز وقيعالارعا تاپ بولادى. جول اپاتتارىنىڭ %95 ى جۇرگىزۋشىلەردىڭ نەمقۇرايلىعى مەن سالعىرتتىعىنان بولادى.
«جول قاتەلىكتەردى كەشىرمەيتىنىن ءبارى بىلەدى، سوندىقتان جۇرگىزۋشىلەردەن اسىقپاۋدى سۇرايمىز. وسى قايعىلى جول اپاتتارىن ەسكەرە وتىرىپ، اكىمشىلىك پوليتسيا كوميتەتى جول جۇرىسىنە قاتىسۋشىلاردى قاۋىپسىز ءجۇرىس جىلدامدىعى مەن اۆتوكولىكتەر اراسىنداعى قاشىقتىقتى قاتاڭ ساقتاۋعا شاقىرادى. بۇگىنگى تاڭدا ەلىمىزدىڭ جولدارىندا 1022 ادام قازا تاۋىپ، 7370 ادام جاراقات العان. ولاردىڭ ءومىرى «ج ك و-عا دەيىن» جانە «كەيىن» بولىپ ەكىگە ءبولىندى، سەبەبى ولاردىڭ قانشاسى امان قالاتىنى جانە قانشاسى مۇگەدەك بولىپ قالاتىنى بەلگىسىز. ءاربىر جۇرگىزۋشى، جولاۋشى، جاياۋ جۇرگىنشى وسىنداي حابارلامالاردى وقىعاننان كەيىن نەمەسە كورىپ- تىڭداعاننان كەيىن ءوزى مۇنداي جاعدايعا ۇشىرامايدى دەپ سانايدى، ءبىراق بۇل قايعىلى ستاتيستيكاعا كىرگەندەر دە سولاي ويلاعان بولاتىن.
قۇرمەتتى جول جۇرىسىنە قاتىسۋشىلار، «مەندە مۇنداي بولمايدى» دەگەن ويلاردان ارىلۋ كەرەك! اسىقپاڭىز جانە ابايلاڭىز! ۇنەمدەلگەن سەكۋندتار نەمەسە مينۋتتار ءسىزدىڭ ءومىرىڭىزدى قيۋعا تۇرارلىق دۇنيە ەمەس! ءسىزدىڭ ومىرىڭىزدەن ماڭىزدى ەشتەڭە جوق!» - دەدى اقتوتى بورانوۆا.
