ەلوردا پوليسەيلەرى 24-قاباتتان سەكىرمەك بولعان ەر ادامدى قۇتقاردى
پوليسيانىڭ «102» ارناسىنا ءتۇن ورتاسىندا سارايشىق كوشەسىندە كوپقاباتتى ءۇيدىڭ بالكون قورشاۋىندا ەر ادام وتىرعانى جانە سەكىرۋگە تىرىسىپ جاتقانى تۋرالى اقپارات ءتۇستى. وقيعا ورنىنا پوليتسيا قىزمەتكەرلەرى ەرجان ايسا مەن نۇرسۇلتان ەگەمبايدان تۇراتىن استانا قالاسى پ د پاترۋلدىك پوليتسيا پولكىنىڭ جاساعى دەرەۋ جىبەرىلدى.
وقيعا ورنىنا كەلگەن پوليسەيلەر بالكون قورشاۋىنان ەڭكەيىپ، تومەنگە سەكىرەيىن دەپ وتىرعان ادامدى كورگەن. جاعدايدى باقىلاپ، ۋاقىتتى جوعالتپاي، ءتارتىپ ساقشىلارى تەز ارادا جوعارى كوتەرىلدى. ولاردى بايقاعان ەر ادام وزىنە جاقىنداماۋدى ەسكەرتىپ، ايقايلاي باستاعان.
پوليسەيلەر ەر اداممەن ديالوگ قۇرۋعا تىرىستى جانە ونىڭ الدانىپ تۇرعان ءساتىن پايدالانىپ، وعان تەز جۇگىرىپ بارىپ، ۇستاپ ۇلگەردى.
سودان كەيىن ولار ەر ادامدى قاۋىپسىز جەرگە اپارىپ، سترەسستىك جاعدايدى شەشۋگە كومەكتەسىپ، تىنىشتاندىرعان. سەكىرمەك بولعان ەر ادام ەسىل اۋدانىنىڭ پوليتسيا باسقارماسىنا جەتكىزىلدى. 28 جاستاعى ازاماتتىڭ مۇنداي ءىس- ارەكەتكە نە يتەرمەلەگەنى انىقتالىپ جاتىر. پسيحولوگتارمەن بىرلەسىپ ونىمەن پروفيلاكتيكالىق جۇمىستار جۇرگىزىلدى.
