جاپونيا يەنى قۇنسىزدانىپ، سوڭعى 24 جىلداعى ەڭ تومەنگى دەڭگەيگە جەتتى
جاپونيا مينيسترلەر كابينەتى باس حاتشىسىنىڭ ورىنباسارى سەيدجي كيحارا جەرگىلىكتى تەلەديدارعا يەننىڭ السىرەۋى «شەتەلدىك ءتۋريزمدى تارتۋ ءۇشىن ەڭ ءتيىمدى» ەكەنىن ايتتى. وتكەن اپتادا يەن 1,7 پايىزعا قۇنسىزدانىپ، سوڭعى 24 جىلدا ا ق ش دوللارىنا شاققانداعى ەڭ تومەنگى دەڭگەيگە جەتتى. سوڭعى ەكى جىل ىشىندە جاپونيا كوروناۆيرۋستىڭ تارالۋىن باسەڭدەتۋ شارالارى اياسىندا شەتەلدىك تۋريستەردىڭ كوپشىلىگىنە كىرۋگە تىيىم سالدى.
وتكەن جىلى شەتەلدىك قوناقتارعا توكيودا 2020 -جىلى كەيىنگە قالدىرىلعان وليمپيادا ويىندارىنا قاتىسۋعا تىيىم سالىندى. الايدا، وسى ايدا ەلگە كىرۋگە رۇقسات ەتىلگەن شەتەلدىك تۋريستەردىڭ سانى كۇنىنە 20 مىڭنان 50 مىڭعا دەيىن ءوستى.
