تالدىقورعان ماڭىندا 24 جاستاعى ەر ادام ءىرى كولەمدە ەسىرتكىمەن ۇستالدى
تالدىقورعان قالاسىنىڭ ماڭىندا الماتى وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ش ق و پوليتسيا قىزمەتكەرلەرىمەن بىرلەسە وتىرىپ اۋىر ەسىرتكىنىڭ ءىرى پارتياسىن تاسىمالداعان ەر ادامدى ۇستادى.
17 - شىلدە كۇنى الماتى-وسكەمەن تاس جولىندا پوليتسيا قىزمەتكەرلەرى ەسكەلدى اۋدانىنىڭ 24 جاستاعى تۇرعىنى باسقارعان Daewoo Lacetti كولىگىن توقتاتتى. ءتارتىپ ساقشىلارى كولىكتى تەكسەرۋ بارىسىندا سينتەتيكالىق ەسىرتكىگە جاتاتىن ءتورت پوليەتيلەن پاكەتكە سالىنعان 2 كەلى مەفەدروندى تاپتى.
«قازىرگى تاڭدا كولىكتىڭ 24 جاستاعى جۇرگىزۋشىسى ۋاقىتشا ۇستاۋ يزولياتورىنا قاماققا الىندى. اتالعان دەرەك بويىنشا ق ر ق ك 296-بابى 4-بولىگى (اسا ءىرى مولشەردەگى ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) بويىنشا قىلمىستىق ءىس قوزعالدى»، - دەدى الماتى وبلىسى پ د ە ق ق ى ق ب باستىعى، پوليتسيا پولكوۆنيگى قازبەك مۋحامەدوۆ.
