«حابار 24» تەلەارناسىنا جاڭا ديرەكتور تاعايىندالدى

بۇل تۋرالى «حابار» اگەنتتىگىنىڭ باسقارما ءتوراعاسى بەرىك ءۋالي ءمالىم ەتتى.

«ايگۇل نۇرحان قىزى - ەلىمىزگە بەلگىلى تەلەجۋرناليست، تاجىريبەسى مول، جوعارى بىلىكتى مامان. ەڭبەك جولىن اقتوبەدە باستاپ، «ريكا ت ۆ»، «استانا» تەلەارنالارىندا، «قازاقستان» ر ت ر ك وبلىستىق فيليالىندا ءتىلشى، جاڭالىقتار جۇرگىزۋشىسى قىزمەتتەرىن اتقاردى.

كەيىن «ەۆرازيا» ءبىرىنشى ارناسىنىڭ» ءتىلشىسى، ساراپتامالىق باعدارلامالار رەداكتورى، ءبىرقاتار تەلەجوبالاردىڭ جەتەكشىسى رەتىندە تانىلدى.

«حابار» اگەنتتىگىندە ەڭبەك ەتىپ كەلە جاتقانىنا 7 جىلدان استى. ءتىلشى، رەداكتور، جۇرگىزۋشى بولىپ، جاڭالىقتار جانە ساراپتامالىق حابارلارعا جەتەكشىلىك ەتتى.

ب ا ق سالاسىنداعى بىرنەشە رەسپۋبليكالىق بايقاۋدىڭ جەڭىمپازى اتاندى»، - دەپ جازدى بەرىك ءۋالي Facebook پاراقشاسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى