اتىراۋ وبلىسىندا زاڭسىز ساقتالعان 24 قارۋ تاركىلەندى
وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 7- اقپاننان «قارۋ» جەدەل پروفيلاكتيكالىق ءىس-شاراسى ءوتىپ جاتىر.
«ءىس-شارا كەزىندە قىستاقتا وتىرعان شارۋا قوجالىقتارىندا، فەرمەرلىك جانە اڭشىلىق شارۋاشىلىقتارىندا قارۋدى جانە وق-دارىلەردى زاڭسىز ساقتاۋ دەرەگىن انىقتاۋ ءۇشىن 148 رەيدتىك، 219 تەكسەرۋ جۇرگىزىلدى. تەكسەرۋ ناتيجەسىندە ساقتالعان 24 قارۋ تاركىلەندى. ونىڭ تەگىس ۇڭعىلى 15 اتىس قارۋى، 6 تراۆماتيكالىق تاپانشا، 3 ەلەكترلى قارۋ بار. وسىعان بايلانىستى ق ر قىلمىستىق كودەكسىنىڭ 287-بابىمەن (قارۋدى، وق- دارىلەردى, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) 8 قىلمىستىق ءىس تىركەلدى. ال، 11 ادام ق ر اكىمشىلىك قۇقىقبۇزۋشىلىق تۋرالى كودەكسىنىڭ 482-بابىمەن (جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى، بەرۋى، وتكىزۋى، ساقتاۋى، الىپ ءجۇرۋى، تاسىمالداۋى) اكىمشىلىك جاۋاپكەرشىلىككە تارتىلدى»، - دەپ حابارلادى دەپارتامەنتتىڭ باسپا ءسوز قىزمەتى.
«قارۋ» جەدەل پروفيلاكتيكالىق ءىس-شاراسى ىشكى ىستەر ورگاندارىنىڭ ەسەبىندە تۇرعان 4540 ازاماتتىق اتىس قارۋلار يەسى تەكسەرىىلىپ، 163 اكىمشىلىك قۇقىق بۇزۋشىلىق تىركەلدى.
بىرىكتىرىلگەن دەرەكتەر بانكىنىڭ «كريمينالدىق قارۋ» ەسەبىندە «مەكەن-جايى انىقتالماعان» ساناتىمەن تۇرعان 3، «جوعالعان قارۋ» ساناتىمەن تەگىس ۇڭعىلى 3 اتىس قارۋى انىقتالدى.
ەسكە سالا كەتەلىك، بۇعان دەيىن اتىراۋدا زاڭسىز اينالىمنان 8 قارۋ تاركىلەنگەن بولاتىن.
