كاسىپكەرلەرگە ارنالعان نەسيەنى راسىمدەمەك بولعان اقتوبەلىك 24 ميلليون تەڭگەسىنەن ايىرىلدى
اقتوبە قالاسىنىڭ 26 جاستاعى تۇرعىنى كاسىپكەرلەردى دامىتۋ قورىنان نەسيە الۋعا كومەك كورسەتەسەمىن دەگەن تانىسىنا الداندى.
«جابىرلەنۋشىنىڭ ايتۋىنشا، تانىسى بانك قوسىمشاسى ارقىلى ءوز شوتىنا شامامەن 24 ميلليون تەڭگە سوماسىندا اۋدارىم جاساعان. پوليتسيا قىزمەتكەرلەرى كۇدىكتىنى ۇستادى، سونداي-اق ۇستالعان ادامنىڭ وسىعان ۇقساس قىلمىستارعا قاتىسىنىڭ بار-جوعى انىقتالىپ جاتىر. ق ر ق ك 190-بابى 4-بولىگى «الاياقتىق» بويىنشا سوتقا دەيىنگى تەرگەۋ امالدارى جۇرگىزىلەدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
وسى باپتىڭ سانكسياسى مۇلكىن تاركىلەپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسىن قاراستىرادى.
