كوكتايعاق، كۇشتى جەل، تۇمان: 24-قاراشاعا ارنالعان اۋا رايى
اتموسفەرالىق فرونتتاردىڭ اسەرىنەن رەسپۋبليكانىڭ باسىم بولىگىندە تۇراقسىز اۋا رايى ساقتالادى - جاۋىن- شاشىن جاۋادى.
كۇندىز ەلدىڭ سولتۇستىگىندە، سولتۇستىك- باتىسىندا توپەلەپ جاڭبىر مەن قار جاۋادى. تەك قازاقستاننىڭ وڭتۇستىگىندە جانە وڭتۇستىك- شىعىسىندا انتيتسيكلون ىقپالىمەن جاۋىن- شاشىن جاۋمايدى. رەسپۋبليكانىڭ باسىم بولىگىندە كوكتايعاق، بۇرقاسىن، كۇشتى جەل بولادى.
رەسپۋبليكانىڭ باتىس جارتىسىندا، ورتالىعىندا تۇمان تۇسەدى. شىعىس قازاقستان وبلىسىنىڭ سولتۇستىك جارتىسىندا جاياۋ بۇرقاسىن، كوكتايعاق بولادى. جەلدىڭ جىلدامدىعى - 15-20، ەكپىنى 23-28 م/س جەتەدى.
قاراعاندى وبلىسىنىڭ سولتۇستىك- باتىسىندا كۇندىز - كوكتايعاق، بۇرقاسىن. جەلدىڭ جىلدامدىعى - 15-20, ەكپىنى 23-28 م/س دەيىن كۇشەيەدى. تۇندە جانە تاڭەرتەڭ وبلىستىڭ وڭتۇستىگىندە تۇمان تۇسەدى.
اقمولا وبلىسىنىڭ وڭتۇستىگىندە - كوكتايعاق، كۇندىز - بۇرقاسىن سوعادى. جەل قارقىنى - 15-20 م/س. باتىس قازاقستان وبلىسىنىڭ وڭتۇستىگىندە - كوكتايعاق، جاياۋ بۇرقاسىن، جەلدىڭ جىلدامدىعى 15-20 م/س شاماسىندا بولادى. وبلىستىڭ سولتۇستىگىندە تۇمان تۇسەدى.
اتىراۋ، ماڭعىستاۋ وبلىستارىنىڭ باتىسىندا، سولتۇستىگىندە، ورتالىعىندا تۇمان تۇسەدى، كۇندىز اتىراۋ وبلىسىنىڭ سولتۇستىك- باتىسىندا جەلدىڭ كۇشى 15-20 م/س جەتەدى. كۇندىز اقتوبە وبلىسىنىڭ شىعىسىندا جاياۋ بۇرقاسىن سوعىپ، كوكتايعاق بولادى. جەل قارقىنى - 15-20 م/س.
قوستاناي وبلىسىنىڭ وڭتۇستىگىندە - تۇمان، كوكتايعاق، وبلىستىڭ شىعىسىندا - جاياۋ بۇرقاسىن. كۇندىز وبلىستىڭ وڭتۇستىگىندە جەلدىڭ جىلدامدىعى 15-20 م/س دەيىن كۇشەيەدى. پاۆلودار وبلىسىنىڭ باتىسىندا، وڭتۇستىگىندە جەل ەكپىنى - 15-20 م/س. كۇندىز وبلىستىڭ باتىسىندا، ورتالىعىندا جاياۋ بۇرقاسىن كوتەرىلىپ، كوكتايعاق بولادى.
قىزىلوردا وبلىسىنىڭ سولتۇستىگىندە تۇمان تۇسەدى. جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان تۇسەدى، جەل 15-20 م/س جەتەدى. تۇندە سولتۇستىك قازاقستان وبلىسىنىڭ شىعىسىندا جەل قارقىنى - 15-20 م/س. الماتى وبلىسىنىڭ الاكول اۋدانىندا جەل 15-20 م/س دەيىن كۇشەيەدى.
