اتلانت مۇحيتىندا 24 ميگرانتتىڭ ءمايىتى تابىلدى

يسپانيانىڭ اسكەري ۇشاعى سۋدا قالقىعان قايىقتى ءساۋىردىڭ 26 سىندا انىقتاعان بولاتىن. بورتىندا 17 ادامنىڭ ءمايىتى مەن امان قالعان 3 ميگرانت بار ەدى. ءتىرى قالعان 2 ەر ادام مەن 1 ايەل ادام تىكۇشاقپەن جەدەل اۋرۋحاناعا جەتكىزىلدى.

مامانداردىڭ ىزدەستىرۋ وپەراتسياسىنىڭ ارقاسىندا مۇحيتتا مەرت بولعان تاعى بىرنەشە ادام تابىلدى. وسىلايشا ولاردىڭ سانى 24 كە جەتكەن. قۇتقارۋ جۇمىستارىنىڭ ارقاسىندا ەكىنشى قايىقتاعى تاعى 41 ميگرانت ءولىم اۋزىنان امان قالدى.

ايتا كەتەيىك، كوروناۆيرۋس پاندەمياسىنا قاراماستان ءوز ەلىنەن باس ساۋعالاپ قاشقان بوسقىندار مەن زاڭسىز كىرمەلەردىڭ سانى 2020 -جىلى وتكەن جىلدارمەن سالىستىرعاندا 8 ەسەگە ارتىپ كەتكەن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى