كوروناۆيرۋستىڭ ەكىنشى تولقىنى: 24 ميلليارد تەڭگەگە ءدارى ساتىپ الىنباق
باسپا ءسوز قىزمەتىنىڭ مالىمەتىنشە، اسقار مامين COVID-19-دان ەمدەۋگە ارنالعان دارىلەردىڭ بار- جوعىمەن جانە دەنساۋلىق ساقتاۋ مەكەمەلەرىن مەديتسينالىق ءدارى- دارمەكتەرمەن قامتاماسىز ەتۋ بويىنشا قابىلدانىپ جاتقان شارالارمەن تانىستى.
دەنساۋلىق ساقتاۋ ءمينيسترى الەكسەي سوي مەن «س ق-فارماتسيا» باسقارما ءتوراعاسى ەرحات ەسقاليەۆ اۋرۋحانالار مەن پروۆيزورلىق ورتالىقتاردى ءدارى-دارمەكپەن قامتاماسىز ەتۋ ءۇشىن دارىلىك پرەپاراتتاردىڭ 91 اتاۋى جەتكىزىلەتىنىن باياندادى.
وتكەن ايدا مەديتسينالىق پرەپاراتتار وڭىرلەر بويىنشا 8,7 ميلليارد تەڭگە ءبولىندى. اۋرۋحانالاردىڭ قاجەتتىلىكتەرىن قامتاماسىز ەتۋ ءۇشىن جەدەل تۇردە قوسىمشا ءدارى-دارمەكتەر ساتىپ الىندى، ەمدەلۋشىلەر امبۋلاتوريالىق دەڭگەيدە تەگىن الا الاتىن ءدارى- دارمەكتەر ءتىزىمى كەڭەيتىلدى (پاراتسەتامول، يبۋپروفەن، ريۆاروكسابان، دابيگاتران جانە اپيكسابان ەنگىزىلدى).
COVID-19-دىڭ ەكىنشى تولقىنى باستالسا، كومپانيادا 24 ميلليارد تەڭگە سوماسىنا ەكى ايلىق ءدارى- دارمەك قورى قۇرىلۋدا، سونداي-اق كارانتين كەزەڭىندە جەكەمەنشىك ءدارىحانالاردى نارىق ءوز بەتىنشە تولىقتىرا المايتىن 19 تاپشى ءدارى-دارمەكپەن جابدىقتاۋ ماسەلەسى پىسىقتالىپ جاتىر. «س ق- فارماتسيا» ولاردى قالالار مەن اۋىلدىق ەلدى مەكەندەردەگى ءار ءدارىحاناعا دەيىن تولىق جەتكىزەدى.
ۇكىمەت باسشىسىنا كومپانيانىڭ لوگيستيكاسىن جاقسارتۋ شارالارى تۋرالى باياندالدى: جوسپارلى رەيستەر سانى 1,7 ەسەگە ارتتى، تيەۋ مەرزىمى 2 اپتادان 1 اپتاعا دەيىن قىسقارتىلدى، تاۋارلاردى حابتاردان وڭىرلەرگە ءبولۋ Cross-docking قاعيداتى بويىنشا جۇزەگە اسىرىلادى، ال قويمالاردىڭ جۇمىسى 24/7 رەجيمىنە كوشىرىلدى.
پرەمەر-مينيستر وڭىرلەرگە ءدارى- دارمەكتەردىڭ تيەلۋىن ەرەكشە باقىلاۋعا الۋدى، كۇزگى-قىسقى ماۋسىمدا COVID-19-دان ەمدەۋ ءۇشىن بارلىق قاجەتتى مەديتسينالىق پرەپاراتتىڭ بولۋىن قامتاماسىز ەتۋدى، ءدارى- دارمەكتەرگە قاجەتتىلىك ارتقان جاعدايدا شۇعىل ارەكەت ەتۋدى، سونداي- اق بولشەك ساۋدا سەكتورىن تاپشى ءدارى- دارمەكپەن تولىقتىرۋ بويىنشا تاپسىرمانى ورىنداۋدى قامتاماسىز ەتۋدى تاپسىردى.
مەديتسينالىق ونىمدەر مەن دارىلىك پرەپاراتتاردى وتاندىق وندىرۋشىلەردى قولداۋ بويىنشا جۇيەلى شارالاردى قابىلداۋ قاجەتتىگىنە ەرەكشە نازار اۋدارىلدى.
