ولگەن اناسىنىڭ زەينەتاقىسىن 24 جىل بويى الىپ جۇرگەن ايەل سوتتالدى
Fox News تەلەارناسىنىڭ حابارلاۋىنشا، سوت ا ق ش- تىڭ كاليفورنيا شتاتىنىڭ تۇرعىنى 66 جاستاعى ەمما كارتەر-الەكساندر مەملەكەتكە 298,1 مىڭ دوللاردان استام قارجىنى قايتارۋى ءتيىس دەگەن قاۋلى شىعاردى.
ءىس ماتەريالدارىنا قاراعاندا، امەريكالىق ايەل ءوز اناسى دوروتي گريففينگە 1991-جىلدان قامقورلىق جاساي باستاعان. كوپ وتپەي، ا ق ش الەۋمەتتىك قامسىزداندىرۋ قىزمەتى اي سايىن جىبەرىپ وتىراتىن زەينەتاقىسىن ءوزىنىڭ مەكەنجايى بويىنشا الىپ، چەگىن قولما-قول اقشاعا اينالدىرۋ قۇقىعىن العان. كارتەر-الەكساندر شەشەسى گيففين ول اقشالاردى قالاي جۇمساپ جاتقانى تۋرالى ۇنەمى ەسەپ بەرىپ وتىرعان. ال شىندىعىندا ءوز قاجەتىنە جۇمساپ كەلگەن.
الاياق ايەلدىڭ اناسى 1993-جىلى قايتىس بولادى. ون جىلدان كەيىن ول حيۋستوننان (تەحاس شتاتى) ۆالەحوعا (كاليفورنيا) كوشىپ، الەۋمەتتىك قامسىزداندىرۋ قىزمەتىنە زەينەتاقىنى جاڭا مەكەنجاي بويىنشا جونەلتۋ قاجەتتىگى تۋرالى حابارلايدى. جىل سايىن كارتەر-الەكساندر زەينەتاقىنىڭ جۇمسالۋى تۋرالى ەسەپ دايىنداپ، جالعان مالىمەتتەر زاڭمەن قۋدالاناتىنىن ەسكەرتىپ وتىرعان. قامسىزداندىرۋ قىزمەتى وسىنداي «شىنايى» سوزدەردەن كەيىن ونىڭ اناسى نەشە جىل بۇرىن دۇنيە سالعانىنا ءتىپتى كۇماندانباعان دا.
