قازاقستان ۆولەيبولشىلارى اراعا 24 جىل سالىپ جارتىلاي فينالعا شىقتى

وتانداستارىمىز شيرەك فينالدا قىتايلىق تايپەي كومانداسىمەن سىنعا ءتۇسىپ، 3:0 ەسەبىمەن باسىم ءتۇستى.

قازاقستان قۇراماسى ءوز تاريحىندا ەكىنشى رەت ازيا چەمپيوناتىنىڭ جارتىلاي فينالىنا شىعىپ وتىر.

وتانداستارىمىز العاش رەت 1993-جىلى «سارى قۇرلىق» دوداسىنىڭ جارتىلاي فينالىنا شىعىپ، وسى جىلى قۇرلىق بىرىنشىلىگىنىڭ كۇمىس جۇلدەگەرى اتانعان بولاتىن.

سودان بەرى ونداي ءىرى جەتىستىككە ءالى كۇنگە قول جەتكىزە الماي كەلەدى. جارتىلاي فينالداعى قازاقستان قۇراماسىنىڭ قارسىلاسى وڭتۇستىك كورەيا - قىتاي اراسىنداعى ماتچتا انىقتالادى. جارتىلاي فينالدىق ويىندار بۇگىن، ياعني 31- شىلدەدە وتەدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى