رەسەيلىك سۋ-24 ۇشقىشىنىڭ ناقتى نەدەن قازا تاپقانى بەلگىلى بولدى
- دەپ حابارلايدى LifeNews قۇقىق قورعاۋ ورگاندارىنداعى دەرەككوزگە سىلتەمە جاساپ.
دەرەككوزدىڭ مالىمەتىنشە، ۇشقىش ولەگ پەشكوۆتىڭ دەنەسىنە سەگىز وق تيگەن. ونىڭ تورتەۋى جاناما وق تا، قالعاندارى ءدال تيگەن، وقتار ۇشقىشتىڭ وكپەسىن جانە ءىش قۋىسىن تەسىپ وتكەن. سونىمەن قاتار، ۇشقىشتىڭ دەنەسىنەن كوپتەگەن جاراقات پەن ىسىك تابىلعان.
دارىگەرلەر ۇشقىشتىڭ ءدال قاي ۋاقىتتا قازا بولعانىن دا انىقتادى. دەرەككوزدىڭ ايتۋىنشا، ول 24 - قاراشادا تاڭعى 10.00 مەن 11.30 ارالىعىندا قازا بولعان.
ەسكە سالا كەتەيىك، رەسەي مەن تۇركيانىڭ قارىم- قاتىناسى سيريا- تۇركيا شەكاراسىندا رەسەيلىك سۋ-24 بومبالاۋشى ۇشاعىن اتىپ ءتۇسىرۋ وقيعاسىنان كەيىن بۇزىلا باستادى. وقيعا 24 - قاراشادا بولدى. ب ا ق مالىمەتىنشە، ۇشاق تۇرىكتىڭ F-16 جويعىشىنىڭ "اۋە- اۋە" تۇرىندەگى زىمىرانى ارقىلى اتىپ تۇسىرىلگەن جانە سيريادا، تۇركيانىڭ شەكاراسىنا 4 شاقىرىم جەرگە قۇلاعان. ۇشقىشتاردىڭ ءبىرى ءتىرى قالدى. ر ف اۋە كۇشتەرى باس شتابى شابۋىلعا ۇشىراعان سۋ-24 بومبالاۋشىسىنىڭ تۇركيانىڭ اۋە كەڭىستىگىن بۇزباعانىن مالىمدەدى جانە بۇل مالىمەتتىڭ سيريالىق اۋە قورعانىسىنىڭ مالىمەتتەرىمەن راستالاتىنىن العا تارتتى. ال تۇركيا ۇشاقتىڭ شەكارانى بۇزعانىن ايتىپ وتىر.
© lifenews.ru
http://kaz.tengrinews.kz
