قازاقستان پرەزيدەنتى نۇرسۇلتان نازاربايەۆ «روسسيا 24» تەلەارناسىنا سۇحبات بەردى

سۇحبات باسىندا مەملەكەت باسشىسى استانانىڭ ەل استاناسى رەتىندەگى جوباسىن قالاي ۇسىنعانىن، وسىنداي كورىكتى شاھاردىڭ قالاي سالىنعانىن ايتىپ بەردى.

سونداي-اق نۇرسۇلتان نازاربايەۆ ءوزىنىڭ بالالىق شاعى مەن ءومىر جولى، انانىڭ اق سۇتىمەن، اتانىڭ اق باتاسىمەن بويىنان سىڭىرگەن قاسيەتتەرى تۋرالى سىرلارىمەن ءبولىستى. بالالىق شاعىنان ەستە قالعانى - ۇلتتار بىرلىگى مەن تاتۋلىعى جايلى ءسوز ەتكەن ەلباسى بۇل ۇستانىمدارىنىڭ بۇكىل ومىرىنە وزەك بولعانىن ايتتى.

باعدارلامادا نۇرسۇلتان نازاربايەۆتىڭ ساياسي قايراتكەر رەتىندەگى العاشقى قادامدارى تۋرالى دەرەكتى فيلمدەردەن ۇزىندىلەر كەلتىرىلىپ، قازاقستاننىڭ تاۋەلسىز ەل بولىپ قالىپتاسۋ جولى، وسى جىلدارى باسىنان وتكەرگەن قيىن- قىستاۋ كەزەڭدەرى مەن سول قيىندىقتاردى جەڭۋگە دەگەن تالپىنىستارى اڭگىمەگە ارقاۋ بولعان.

ەۋرازيالىق وداققا قاتىستى تۇستار مەن قازاقستان ەكونوميكاسىنىڭ ءوسىپ- وركەندەۋ كەزەڭدەرى، ونىڭ الەم ەكونوميكاسىنداعى الاتىن ورنى دا نازاردان تىس قالمادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى