قازاقستاندا ءبىلىم سالاسىندا جاڭا 24 زەرتحانا قۇرىلادى

«نۇرلى جول» باعدارلاماسىن جۇزەگە اسىرۋ اياسىندا ەڭ باستى ماسەلەلەر وقۋ باعدارلامالارىن قۇرۋ مەن جاڭا زەرتحانالار سالۋ بولىپ وتىرعاندىعىن ايتقان ت. بالىقبايەۆ:

«وقۋ باعدارلامالارىن قازىر ءبىزدىڭ 24 جوعارى وقۋ ورنىمىز ارنايى دايىنداپ جاتىر. سونىمەن بىرگە ءبىز قازىر 24 جاڭا زەرتحانا قۇرۋدى جوسپارلاپ وتىرمىز. مەتاللۋرگيا، مۇناي حيمياسى، ينجەنەرلىك بەيىندى، تاماق ونەركاسىبى، ماشيناجاساۋ، حيميا، قۇرىلىس ماتەريالدارىن جاساۋ، اۆتوماتتاندىرۋ جانە باسقارۋ تەحنيكاسى، عارىش تەحنولوگياسى، اقپاراتتىق كوممۋنيكاتسيالار تەحنولوگياسى زەرتحانالارى سالىناتىن بولادى. بۇل زەرتحانالاردى پايدالانۋدىڭ تيىمدىلىگىن قامتاماسىز ەتەمىز جانە وسىعان بايلانىستى بۇگىنگى تاڭدا ارنايى قارجى ءبولىنىپ جاتىر»، - دەدى.

ونىڭ اتاپ وتۋىنشە، ەلباسىنىڭ تاپسىرماسىنا سايكەس «نۇرلى جول» باعدارلاماسى اياسىندا ەلىمىزدىڭ جوعارى وقۋ ورىندارىنا ءۇش جىلعا 10 ميلليارد تەڭگە قاراستىرىلعان، ونىڭ 3 ميللياردى بيىل ءبولىندى. سونىمەن قاتار ارنايى باعدارلامالار قۇرۋعا 962 ميلليون قارجى بولىنەدى.

«اتالعان باعدارلامالاردى دايىنداۋ ءۇشىن جوعارى وقۋ ورىندارى الەمنىڭ وزىق ج و و- لارىمەن ارنايى كەلىسىمشارتتار جاساسۋدا. اتاپ ايتقاندا، وڭتۇستىك كورەيا، گەرمانيا، يتاليا، ا ق ش پولشا، رەسەي، چەحيا سىندى ەلدەردىڭ ج و و- لارىمەن ىنتىماقتاستىق تۋرالى كەلىسىمدەر جاسالدى»، - دەدى ۆيتسە- مينيستر.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى