تۇركيادا ءزىلزالادان قيراعان عيماراتتار ءىسى بويىنشا 247 ادام قاماۋعا الىندى

«اپات ايماعىندا ورنالاسقان پروۆينتسيالار پروكۋراتۋرالارىنىڭ شەشىمىمەن 6-اقپانداعى وقيعادان كەيىن قيراعان عيماراتتاردىڭ قۇرىلىسىنا قاتىسى بار 997 كۇدىكتى ۇستالدى. ناتيجەسىندە ۇستالعانداردىڭ 247 سى قاماۋعا الىندى، 322 كۇدىكتىگە قاتىستى سوت باقىلاۋى تاعايىندالدى»، - دەپ جازىلعان اقپاراتتا.

سونىمەن قاتار 198 كۇدىكتىنى تۇتقىنداۋعا جانە 102 ادامدى ۇستاۋعا سانكتسيا بەرىلگەن.

ەسكە سالا كەتسەك، 6-اقپاندا تۇركيادا 7,7 ماگنيتۋداسىمەن جويقىن جەر سىلكىنىسى بولدى. ءزىلزالا وشاعى كاحرامانماراش پروۆينسياسىنداعى پازاردجيك اۋدانىندا ورنالاستى، تەرەڭدىگى - 7 شاقىرىم. سالدارىنان حاتاي، گازيانتەپ، كيليس، وسمانيە، مالاتيا، ادىيامان، شانلىۋرفا، دياربەكير، ادانا جانە كاحرامانماراش پروۆينتسيالارىندا كوپتەگەن عيمارات قيرادى.

قازىرگى ۋاقىتتا ءزىلزالادان 45968 ادام قازا تاپقانى بەلگىلى بولدى، ولاردىڭ 4267 ى سيريا ازاماتى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى