ا ق ش تاۋەلسىزدىك كۇنىن 240-رەت تويلاۋدا
ءداستۇر بويىنشا، ا ق ش استاناسىنىڭ ورتالىعىندا تاريحي جانە پاتريوتتىق باعىتتاعى مەرەكەلىك ءىس- شارالار بولادى. ەڭ الدىمەن، كۇندىزگى ۋاقىتتا ا ق ش كونگرەسىنەن پرەزيدەنت اۆراام لينكولن مەموريالىنا دەيىن سوزىلعان ۆاشينگتوننىڭ ورتالىق جەلەك جولىندا ەكى ساعاتتىق پاراد وتەدى. كونستيتيۋشن- اۆەنيۋ بويىمەن كوپتەگەن وركەستر، اسكەري بولىمدەر، سالت اتتىلار مەن باسقا دا شەرۋگە قاتىسۋشىلار ءجۇرىپ وتەدى.
كەشقۇرىم كاپيتوليدىڭ باتىس كوگالىندا ۇلتتىق پارك قىزمەتى مەن ۇلتتىق سيمفونيالىق وركەستردىڭ ءبىر جارىم ساعاتتىق مەرەكەلىك كونسەرتى باستالادى. ا ق ش قوعامدىق تەلەارناسى - PBS جىل سايىن تىكەلەي ەفيردە ترانسلياتسيا جۇرگىزەدى. كونسەرت سوڭىندا مىندەتتى تۇردە پ. ي. چايكوۆسكيدىڭ "1812 -جىل" ۋۆەرتيۋراسى ورىندالادى.
مەرەكەنىڭ شىرقاۋ شەگى ۆاشينگتون اسپانىنداعى ۇلكەن وتشاشۋ بولماق. ول تۋرا 17 جارىم مينۋتقا سوزىلادى، دەپ حابارلايدى ت ا س س.
