قىتايدان كەلگەن دارىگەرلەر استانادا 240 ناۋقاس بالانى تەكسەردى - فوتو
وسىلايشا، ەكى اپتا بويى بالالاردى قارايتىن نەۆروپاتولوگ دارىگەرلەر مەن قىتاي حالقىنىڭ ەم بولاتىن ماسساجىن يگەرگەن دارىگەرلەر ناۋقاس بالالاردىڭ قاسىندا ءجۇرىپ، ولاردىڭ ناقتى قانداي ەمگە مۇقتاج ەكەنىن انىقتاعان.
يگى شارانى ۇيىمداستىرۋشىلاردىڭ ايتۋىنشا، «BI- جۇلدىزاي» قورىنىڭ مەديتسينالىق ورتالىعىندا بارلىعى 240 بالا قىتايدان كەلگەن مىقتى دارىگەرلەردەن كونسۋلتاتسيا العان.
«قازاقستاننىڭ دارىگەرلەرىمەن بىرگە قىتايدان كەلگەن ماماندار ناۋقاس بالالاردىڭ دەنەسىن شىنىقتىرۋ، ەم بولاتىن دەنە جاتتىعۋلارىن جاساۋ جانە وزگە دە ساۋىقتىرۋ شارالارىن وتكىزدى. مىسالى، سۋن حۋدزە دەگەن دارىگەر قىتايداعى مىقتى پروفەسسور، اۋرۋحانانىڭ ديرەكتورى جانە بالالاردى تەكسەرەتىن وتە مىقتى نەۆراپاتولوگ دارىگەر. ول استانادا جۇيكە تامىرلارىنا زيان كەلگەن بالالاردى تەكسەرىپ، ولاردىڭ جازىلۋىنا سەپتىگىن تيگىزەتىن اقىل- كەڭەستەرىن ايتتى»، - دەيدى ۇيىمداستىرۋشىلاردىڭ ءبىرى.
ەڭ باستىسى، سال اۋرۋىنا شالدىققان بالالاردى ەمدەۋ بويىنشا مەديتسيناسى دامىعان قىتاي دارىگەرلەرى وسى 240 بالانىڭ اتا- اناسىنا ناۋقاس ءسابيىن ۇيدە قالاي كۇتۋ كەرەكتىگىن ۇيرەتتى، دەيدى «BI- جۇلدىزاي» مەديتسينا ورتالىعىنىڭ ماماندارى.
اۆتور: كەنجەكەي توقتامۇرات قىزى
