جانقوجا باتىردىڭ 240 جىلدىعى اتالىپ وتىلۋدە

كونفەرەنسيا وتىرىسىن اشقان ايماق باسشىسى قىرىمبەك كوشەربايەۆ قاتىسۋشىلاردى قۇتتىقتادى. «ەلباسىمىز ن. نازاربايەۆ ايتقانداي، وتانىمىزدىڭ تاريحىن ءبىلۋ - ۇرپاق مىندەتى.  قىزىلوردا وبلىسىنداعى جانقوجا نۇرمۇحامەد ۇلىنىڭ باسقارۋىنداعى ۇلت-ازاتتىق قوزعالىس ەلىمىزدەگى ەڭ ءىرى جانە قازاقستاننىڭ تاۋەلسىزدىگىن الۋدا ۇلكەن رول اتقاردى»، - دەدى اكىم.

بەلگىلى عالىمدار، ادەبيەتشىلەر مەن تاريحشىلار قاتىسقان جيىندا باتىر بەينەسى جان-جاقتى ءسوز بولىپ، تىڭ دەرەكتەر ايتىلدى.

كونفەرەنسيا قاتىسۋشىلارى جانقوجا نۇرمۇحامەد ۇلىنداي دارا تۇلعالاردىڭ ۇلت تاريحىنان لايىقتى ورىن الۋى، ولاردىڭ قاسيەتتى ەسىمدەرىنىڭ قايتا جاڭعىرۋى ەلباسىمىز - ۇلت كوشباسشىسى ن. ءا. نازاربايەۆتىڭ «ماڭگىلىك ەل» ۇلتتىق يدەياسىنىڭ مازمۇنىمەن ۇيلەسەتىنى تۋرالى وي قورىتتى.

ايتا كەتۋ كەرەك، ءتۇس اۋا جانە كەلەسى كۇنى بۇل مەرەيتوي قازالى اۋدانىندا ءوز جالعاسىن تاباتىن بولادى. اتاۋلى كۇنى اۋىل تۇرعىندارى ءۇشىن باسقا دا مەرەكەلىك شارالار، ايماقتىق جاس اقىندار ءمۇشايراسى، كونسەرتتىك باعدارلاما، تەاترلاندىرىلعان كورىنىس، جىراۋلار فەستيۆالى، رەسپۋبليكالىق اقىندار ايتىسى، پالۋاندار كۇرەسى، بايگە وتكىزىلەدى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى